Car interlinguistas,

Hodie Hongkong festa le 10me anniversario de su
retrocession a China.

Le Presidente de China, Hu Jintao, ha arrivate venerdi
pro le occasion.

Ma ille ha essite precedite del Presidente del Union
Mundial de Interlingua, Barbara Rubinstein, e su filia
Yvonne. Illas ha arrivate lunedi de Shanghai, ubi
Yvonne studiava in le Universitate de Fudan (nominate
antea le Universitate Aurora).

Isto esseva le prime visita de Barbara e Yvonne a
Hongkong. Nos poteva tener un mini-conferentia
international de interlingua.

Post un "session de labor", in le qual on discuteva le
situation actual del movimento, il habeva excursiones
a alicun destinationes touristic, un dinar
conferential sur un insula e , naturalmente,
opportunitates pro compras. E venerdi Yvonne celebrava
su anniversario.

Durante su volo a China Barbara se trovava apud un
gruppo espaniol, con le qual illa communicava sin
difficultates - illa in interlingua, le alteres in
espaniol.

Nos habeva le mesme experientia in Hongkong. Durante
un promenada quando nos parlava in interlingua super
le pictor catalan Gaudi un tourista de Espania nos
audiva e nos interrumpeva pro facer alicun remarcas
super le pictor!

Cordialmente,

Don


      ____________________________________________________________________________________
Shape Yahoo! in your own image.  Join our Network Research Panel today!   http://surveylink.yahoo.com/gmrs/yahoo_panel_invite.asp?a=7

--
Archivos e disabonar: http://listserv.icors.org/archives/INTERLNG.html