Io ha justo inventate un methodo de facer un dictionario parallel per
Babylon Builder.
Pro adherentes simple de Interlingua qui lege textos (salvo romanophonos)
dictionarios "Interlingua - lingua national" es plus importante que
dictionarios inverse. Ma pro scopos educational un dictionario "lingua
national - Interlingua" es crucial, specialmente si on vole participar in
discussiones e excambiar posta electronic. On pote preparar un tal
dictionario assatis rapidemente, utilisante le existente fonte de
"Dictionario Interlingua-National" (DIN).

In le DIN le entratas ha le sequente structura:
---
can
dog

catto
cat

causar
cause; case
---

De facto le autor scribe anque formas alternative, como:

---
can|canes|canalia|canicula|canil|canin
dog

catto|cattos|catta|catton
cat

causar|causa|causava|causara|causate|causarea|causa
cause; case
---

E nunc le idea, como facer non solmente DIN sed anque DINI (Dictionario
Interlingua-National-Interlingua).
On debe copiar le explicationes in le lingua national e adder los como...
formas alternative.

---
can|canes|canalia|canicula|canil|canin|dog
dog

catto|cattos|catta|catton|cat
cat

causar|causa|causava|causara|causate|causarea|causa|cause|case
cause; case
---

Naturalmente pro commoditate on lo deberea facer in un processor de textos,
non in Babylon Builder. On debe anque usar le correcte alphabetos in le
compilator - ambe alphabetos (source - target) debe esser national, si le
lingua lo permitte (alphabeto latin).

Talmente le usator del DINI pote cercar in le dictionario anque parolas
national - substantivos in nominativos, verbos in infinitivos etc. Isto
naturalmente non es un dictionario classic National-Interlingua, ma illo ha
un valor educational indubitabile e pote esser preparate multo rapidemente
al base del jam existente dictionario.

con salutes lexicographic
Pawel