Nunc io ha habite un parve intreview con mi sposa dentista:

Un poco terminologia in dentisteria (per Agneta Årmann)

Le dentista nomina le dentes con un enumeration ubi le partes de maxilla
e mandibula ha numeros.
1. maxilla dextere
2. maxilla sinistre
3. mandibula sinistre
4. mandibula dextere

Le dentes es enumerate in ordine ab medio del bucca al dorso 1-8. Le 8
es le "dente de sagessa".

Ergo un dente 3.5 es ha su position como numero 5 in le mandibula
sinistre.

On usa le sequente parolas pro describer le position (le lateres) al
dentes
buccal - verso le gena (non le bucca)
lingual - verso le lingua
distal = dorsal - verso le latere detra
mesial - le opposito de distal
occlusal - le latere que on usa pro masticar
apical - verso le radice

In un vetule systema on ha enumerate le dentes in le maxilla con le
signo + (plus) e un numero e le dentes in le mandibula con le signo -
(minus) e un numero. Forsan iste systema ancora es usate in alcun
paises.

Quando le dentista reguarda le facie de su patiente ille nomina le dente
numero 3 al dextre del medio del maxilla "+3" e le dente correspondente
a sinistre "3+". In le mandibula le dentes correspondente es nominate
"-3" resp. "3-"

Dentalmente

Jan

--
Jan Årmann/Jan Armann
Generalsgatan 12 E; S-903 36 UMEÅ/UMEA, Sverige (Sweden)
Tel & Fax +46 (0)90771525; e-mail:
[log in to unmask]; [log in to unmask];
[log in to unmask]; [log in to unmask]
ICQ - UIN nr:785745;
http://www.algonet.se/~armann