Scribe Pawel Wimmer
>
> Un die multo gaudiose!
> Nostre medios lauda hodie le organisatores danese, specialmente le prime
> ministro Rasmussen qui faceva un labor gigantesc.
> Pawel
> P.S. Nostre delegation faceva su labor, io debe facer le mie - le
> accession del lingua europee in Polonia :-)
>
Iste Polonia! Le nove membro se ha revelate multo ben determinate a negotiar
le melior conditiones pro su adhesion usque al ultime minuta.
Io ha considerate iste comportamento con multe sympathia, mesmo si il era
possibile attender un fallimento del negotiationes.
Le politica es intertanto negotiation intra diverse punctos de interesse e,
iste interesses es essentialmente de natura economic. Al puncto final del
negotiation on habeva le Polonia contra le altere 24 membros e, nonobstante
isto, al fin on trovava un solution.
Si nos reporta iste comportamento al historia europee, nos non travara un
altere epocha in le qual le solutiones al problemas se trovava con medios
assi democratic e pacific e, in isto, io considera que le Union Europee es
un realitate que omne die gania un nove position orientate a un futuro que
nos non poteva minimemente pensar possibile, mesmo dece annos retro.
Io non ha ben presente qual es le orientamento del proxime Charta Europee,
reguardo al representation del Union. Hodie nos ha un semestre durante le
qual le Governamento istitutional de un Pais membro assume un rolo
determinante pro le integre Union. Io ha le impression que omne Pais membro
durante su semestre se pone le objectivo de exprimer le melio pro tote le
Union. Assi le UE gaude del melior effortios de un Pais pro le avantage del
integre Union. Isto es, de mi puncto de vista, un grande avantage pro tote
le membros. Le UE gaude de un quantitate ben selectionate de Politicos e
iste se reflecte in un puncto de fortia.
Al Italia succedera le torno del secunde semestre 2003 e, de longe tempore,
on jam parla de concluder in iste periodo le promulgation del Charta
Europee. Il se tractarea de un secunde Tractato de Roma, in consideration
que le Prime jam se concludeva justo a Roma.
Il se tractara de un momento solemne e definitive pro le Union e il es
significative que al tractato participara mesmo le dece Paises que al fin
del 2003 non sera ancora membros effective del Union a 25 membros.
Mesmo isto exprime un voluntate que face honor a omne communitate. Mesmo
quando intra le diverse communitates on considera que le Union comporta
inevitabile sacrificios. Le strata pro solver los es comocunque illo del
tractativas que reguarda anque un examination profunde de como un singule
Pais es organisate.
Un strata securmente nove in le historia.
Pro le lingua, io crede, que le UE non prendara jammais un position. Isto
non reguardara le Paises membo. Il reguardara le diverse e minus numerose
communitates que in realitate forma le Europa.
Un exsemplo significative ha initiate de iste anno scholastic 2002/2003 in
mi confinante Region Friuli (le Venetia Julia de antique memoria). In omne
ordine de schola on ha introducite non plus le studio de un prime lingua
estranier, ma le studio del tres linguas del regiones confinante, e isto in
un relation de reciprocitate con iste regiones. E como secunde solution le
inseniamento de alcun materias technic non plus in lingua italian, ma in
lingua anglese.
Pro iste solutiones le linguas non es plus un materia de inseniamento
limitate a se mesme. Al contrario le linguas deveni medio de intercambio
inter le regiones confinante e le anglese assume un rolo de cohesion con le
resto de Europa. Que nos vole e non, isto es un realitate jam in acto in
alcun regiones confinante del Alpe Adria: Austria, Italia, ex Jugoslavia.
Mario
|
