Al contrario de Luca Ghitti e reguardo al immigrantes in Italia, in mi
Treviso, io observa iste thema e pote facer altere considerationes.
Postea octo annos de governamento de nostre actual burgomaestro, Treviso ha
acquirite un notorietate national relative al aspecto immigration que non
face honor a su realitate.
De isto io non scribe pro le prime vice e io considera que le immigrantes a
Treviso usa mesmo nostre dialecto pro communicar inter illes quando illes
non possede un equal lingua matre. Io es certe que le mesme situation sera
possibile presso Luca.
Como es iste facto?
Ha io un realitate diverse respecto a illo que observa Luca a solmente 200
kilometros plus a Ovest?
Io non pensa de haber un realitate diverse, ni de esser io le causa de un
divese modo de observar le realitate.
Io pensa que quando Luca scribe:
> In Italia mesmo, in iste ultime annos le varie governamentos ha facte
leges
> plus restrictive in materia de immigration. Hodie, il es multo difficile
> pro un estraniero remaner in Italia, si ille non ha un labor secur. E le
> pavor pro le estranieros ha securmente augmentate le incertitude pro le
> futuro in le citatanos; partitos politic multo extremiste ha profitate de
> iste situation.
>
> Luca Ghitti
nos vide le mesme aspecto de duo positiones securmente diverse.
Luca pone le attention al partitos politic "extremiste".
Al contrario io lege que Kjell manifesta un realitate, o considerationes
sue, que respecto al Italia es multo plus proxime al veritate, e al commun
problema europee. Il non se tracta de refusar le immigration, perque al
contrario in le realitate de mi Treviso, nos ha un ulterior necessitate de
immigrantes. Il se tracta de seliger le qualitate del immigrantes, le
periodo de immigration, de garantir le qualitate del vita durante iste
periodo, le solver le problemas connexe al reunion del familias, le retorno
al paises de origine o, alternativemente, le naturalisation del immigrantes.
Isto in harmonia al leges del UE, in consideration que nos garanti le libre
movimento del personas in tote le Union.
Iste questiones, non facile, pone illos in prime consideration aspectos de
real difficultates sempre connexe al facto de deber viver in un realitate
que non es le proprie de origine?
Si! In le caso que nos vole considerar iste aspectos pro poter concluder que
alcun realitates politic "extremiste" trahe ab isto lynpha pro su politica.
Securmente no si nos vole considerar realisticamente le diverse situationes
que ha origine super toto de un immigration non legal.
Nos tracta aspectos difficile, como jam scribeva Martijn.
Illo que servi es non demonisar iste aspectos e, al contrario, considerar
los in tote lor realitate e con voluntate de solver los.
Io sape que le problema del immigration non legal es, hodie, ancora un
problema del Statos Unite de America. Ubi le immigrantes legalisate es mesmo
un bassino de votos pro le politicos, super toto democratic.
Isto deberea inseniar nos que solver iste aspectos es longe de esser un cosa
simplice.
Intertanto le pueros del immigrantes frequenta le schola italian e, isto, es
un aspecto positive.
Intertanto in un qualcunque structura sanitari italian le presentia del
immigrantes es elevate, non sin problemas, e totevia positive reguardo al
resultatos.
Io poterea concluder que le tempores pretende un precio, como sempre e sin
un culpa de alcuno ben individuate.

Mario