CNN e NEWSWEEK PARLA ESPANIOL
Desde duo septimanas le venditores de periodicos de Madrid expone le
edition in espaniol "escrita para una audiencia mundial" de uno del
periodicos septimanal le plus importante in anglese del mundo: le
statounitese Newsweek. Editate sub licentia del "Washington Post
Company" de un joint-venture inter "I&C" de Miami (USA) e le importante
jornal de Barcelona "La Vanguardia" (altere quatro editiones aperi in
Argentina, Mexico, chile e Columbia), tirage de 70 milles copias,
Newsweek seque le strata jam aperite in 1994 del Wall Street Journal,
duo paginas in espaniol sur le octo principal jornales del
Centro-Sud-America, e del CNN, le qual lanceava un canal TV in espaniol
dedicate al America latin. Le ultime datos 1996 del activissime
"Instituto Cervantes" de Madrid, explica proque le lingua del
mundialisation, le anglo-statounitese, se plica a illo del
"conquistadores" del Americas: le lingua espaniol es parlate de 370
miliones de personas, lingua official in 21 paises, le secunde idioma
functional del mundo. In le Statos Unite le lingua de Garcia Lorca es le
prime lingua estranie studiate, del meridional Texas al septentional
Nord Dakota, cuje population es in plus que le medietate de origine
german. Le lingua espaniol, in le SUA, es seligite per 3,5 milliones de
studiantes del scholas secundari superior (le 65% de illes que selige un
lingua estranie), e de 600 milles studiantes universitari. A iste record
on debe adder que le communitate hispanic es jam le 25% del total
population del SUA e le previsiones demographic indica que illo se
duplicara inter le 2020. E le francese e le germano? Le prestigiose
revista SUA specialisate in inseniamento "Personal & Professional"
explica jam desde 1994 proque le linguas traditionalmente reputate le
plus importante in Europa, post le anglese (Garcia Marquez scribeva: "Le
idioma universal non es le anglese, ma le anglese mal parlate"). Sub le
titulo "Spanish, si!",
revelava: "Se on approxima un studiante e on le demanda in re le lingua
de Goethe o Molière, ille responde invariabilemente: A que illos me
servira?". Le revista sublinea: "Le juvenes lo studia proque illo les
essera utile in le mundo del labor, sia in patria, sia al exterior", In
1995 mesmo le ministro britannic pro le commercio Richard Needman
consiliava al scholas de inseniar plus espaniol e minus francese,
"proque le lingua de Molière non plus es le lingua del world business,
le espaniol si". Mesmo in Europa le studio del espaniol deveni popular.
Le "Instituto Cervantes" indica que in 1995, in le UE lo studiava como
prime
lingua estranie 2 milliones de juvenes. Le franceses es le prime del
lista, sequite per le gernanos, 150.000. In Italia, in le scholas
superior, solmente 28.500 studiantes, studia le espaniol, le 0,9 % de
illos que apprende un lingua estranie. Mitterand, un defensor fanatic
del uso del francese, in le ultime discurso al Parlamento europee, in
juanuario 1995, admitteva tristemente: "Hodie practicamente solmente duo
linguas existe: le anglese e le espaniol". In le SUA, in le qual un
lingua official non existe, le republicanos insiste con le campania
"English Only" pro render obligatori le lingua de Shakespeare, e limitar
le inundante linga del conquistadores. Intertanto jam de tempore es
bilingue le officios public, le metro, le autobuses o ke hospitales de
New York, Los Angeles o San Francisco. Cervantes triumpha mesmo a
Chicago, apud Canada".
Sabato 22 Martio 1997, Gian Antonio Orighi, in "La Stampa"
Un chance pro Interlingua?
--
Paolo Castellina, v.d.m.
CH-7604 Borgonovo (Switzerland)
Tel. ++41,81,8221145
E-Mail [log in to unmask]
http://www.geocities.com/~pcastellina
http://www.ipsnet.it/netpages/room491
http://www.aspide.it/freeweb/RIFORMA
http://www.naz.com/personal/interlng
|
