Kjell R.:
  In le Statos Unite nos ha nostre policia local del citates in que nos
habita.  Sovente il anque ha policia del contata.  Alora il ha le policia
del stato.  In Georgia hic nos ha le Policia Statal de Stratas cuje primari
objecto es a regular le circulation al stratas statal e federal. E nos ha
le GBI (Georgia Bureau del Investigation) que es analoge al Federal Bureau
del Investigation.  Le GBI adjuta le varie policia de citates e contatos
a solver lor casos criminal.

In Georgia nos anque ha le Guarda National, le moderne variante del militia.
Isto es un armea de cititanos del stato.  In circa le 1930s le Congresso
del Statos Unite faceva leges regulante le Guardas National del statos pro
facer los in conformitate con le armea federal. Totevia illos non es sub
le controlo federal si le governamento federal non los mobilisa a in le
armea federal. Al resto del tempore le Guardas National es sub le controlo
del governatores de lor statos respective. Le Guardas National es frequentemente
usate pro assistentia in le disastros, p.e. le inundationes, tornados. Illes
anque pote esser mobilisate pro controlar le tumultos.  Le armas del Guardas
National es sovente mantenite a un armeria central. (Io rememora quando nos
habitava Chapel Hill, Nord Carolina, nostre proxime vicino esseva un pilota de
helicopteros in le Guardas National. Illes faceva exercitios al fin del
septimana, e ille sovente volava su helicoptero e parcava lo al latere de
su casa ubi il esseva un grande campania de herba, cata nocte de sabbato.)

Stan Mulaik