In un altere sito un veterano interlinguista criticava
le typographia e le manco de illustrationes de
"Interlingua in interlingua".

Ecce tres punctos de clarification explicante proque
"Ia in ia" appare in su forma currente.

(1) Pro le documentos in HTML, io voleva que on poteva
discargar los con un demora minime.  Lor typographia
es facilemente legibile in le schermos del bibliotheca
public de Long Beach, California, e in iste systema on
anque pote seliger inter unes six grados de grandor
typographic ante imprimer cata documento.

Naturalmente, le grados plus parve produce documentos
imprimite con un numero de paginas plus reducite que
le grados plus grande.  Ma mesmo le systema limitate
del bibliotheca de Long Beach offere multe
flexibilitate typographic pro illes qui vole imprimer
le documentos de "Ia in ia".

(2) Io non includeva illustrationes proque illos
adderea multe bytes a cata documento e causarea un
demora plus grande quando on los discargava.

(3) Io anque publicava iste documentos in le forma le
plus basic de Microsoft Word pro facilitar le
redaction ulterior de "Ia in ia" per illes que forsan
volerea

(a) cambiar le formas de unes parolas,

(b) adder illustrationes al publication, o

(c) usar un nove (serie de) formato(s) pro facer ex
iste documentos (un) nove publication(es) pro inseniar
o illustrar interlingua.

---

"Ia in ia", como mi curso de conversation plus
recente, es ressources bibliographic public e pro
interlinguistas e pro le partisanos de altere linguas
planificate.

Illes pote usar los o partes de illos como illes vole,
redigente los pro publication in altere formas
electronic o forsan in le forma de libros.

__________________________________
Do you Yahoo!?
SBC Yahoo! DSL - Now only $29.95 per month!
http://sbc.yahoo.com