Car Josu e Janne,
Per favor seniores vamos trovar alcun
punctos ubi nos pote collaborar
mesmo si cata uno ha su opiniones
personal. Per favor, patientia e sin
insultar un al alteres, per favor.
Josu demanda:
"Perque non pote nos usar le nomine "Academia pro Interlingua"?
E in mi opinion il es un admirabile
tributo al memoria de Peano e altere
vetere Interlinguistas. Ma iste nomine
jam esseva revivite per alcunos de nos
in formar un foro in linea pro le discussion
de Interlingua(s). Assi on pote visitar
http://groups.yahoo.com/group/academiaprointerlingua
pro obtiner plus information in quanto al
scopo pro ille foro.
In connexion con iste thema Mario
Malaguti, John Brendall, Umberto e
io voleva establir le dominio...
http://www.interlingua.edu
pro le academia, ma le regulas
cambiava quando le nomines
de dominios esseva novemente
passate al manos de un altere
compania de registrationes le
stipulation es que solmente
collegios universitari de cuatro
annos de instruction pote clamar
un tal dominio. Regrettabilemente...
Isto poneva un halto al planos del
resurrection del Academia pro
Interlingua, ma altere planos es
nunc discutite.
Vos notara que le Projecto
Auxilingua es un projecto sub
le Academia pro Interlingua in
America, e vos pote visitar iste
sito a:
http://bowks.net/auxilingua/
In quanto al question per Josu
super le creation de un Grammatica
de Interlingua in Interlingua, il jam
ha essite publicate un tal grammatica
e illo es disponibile al sito del Servicio
de Libros.
Super le delicto de Josu? Io non crede
que ille ha committite qualque delicto
in iste reguardo e boycottar le esserea
un situation troppo drastic.
In mi opinion, le error esserea le carentia
de communication inter omne nos qui
vole promover le belle lingua international.
Forsan plus communication facilitarea
nostre effortio commun. Io mesme ha
habite differentias de opinion con Josu,
ma io apprecia su grande spirito pro le
progresso del belle lingua international,
mesmo si ille ha su proprie projecto
interlinguistic appellate Romanica (o
Interlingua Romanica). Io anque ha varie
projectos mie, ma isto in mi opinion non
disminue mi appreciation pro le belle
lingua international de IALA.
In Interlingua non ha citatanos de varie
classes, e on non trovara necun hierarchica
inter nos, nonne? Ma il ha respecto pro illes
qui ha venite ante, qui ha projectos previe,
e qui ha date grande passos in le promotion
de interlingua. Nos debe sempre haber in
mente le grande contributiones de alteres
qui veniva ante que nos e assi essayar
adder a lor effortio e non choccar capites.
Le melior situation pro Interlingua es que
nos essaya collaborar e non luctar. Si
Josu vole adder al effortio, que ille face lo
assi como ille vole, e si alteres vole adjutar
le que illes lo face, ma on debe haber
respecto pro le labor de alteres, in special
illes qui veniva ante que nos e qui ha un
bon reputation in lor effortios pro le
avantiamento del uso de Interlingua como
lingua international e auxiliar.
In considerar isto on pote comprender
proque esserea multo
ennoiante si on volerea facer un altere
"Union pro Interlingua" il jam existe un
tal union, o tunc nominar un
nove "Academia pro Interlingua" il jam
existeva un tal, e il jam per varie annos
il ha habite un tal effortio pro le revivification
del Academia pro Interlingua
secun le spirito de ille organisation,
nonne?
Tal es mi puncto de vista, que dice vos
alteres?
Con reguardos amical,
Jay B.
On Fri, 4 Mar 2005 23:32:57 +0100, Josu Lavin <[log in to unmask]> wrote:
> Senior Jan,
>
> Tu semper ha essite un ineducate con me ab le principio.
> Perque non pote nos usar le nomine "Academia pro Interlingua"?
> Iste nomine esseva create per le senior Peano.
> An existe tal academia hodie?
> Perque non face vos le Grammatica de Interlingua in interlingua?
> Perque lassa vos que io lo face?
> Boycottar Josu Lavin?
> Qual es mi delicto?
> Esque io non scribe in correcte interlingua?
> An interlingua ha proprietarios de prime, secunde e tertie categoria?
> Esque tu es de prime categoria?
> Non, le tempore es arrivate ubi le ineducatos non va occupar le sito
> correspondente al travaliatores como io.
> Il es sufficientemente claro?
>
> Josu Lavin
> Presidente de la Academia pro Lingua Romanica
> Presidente de la Academia Romanica pro Interlingua
> *****************************************
>
> ----- Original Message -----
> From: "Jan Årmann" <[log in to unmask]>
> To: <[log in to unmask]>
> Sent: Friday, March 04, 2005 9:53 PM
> Subject: [INTERLNG] SV: [INTERLNG] Academia pro Interlingua
>
> > Car amicos,
> >
> > Io vole fortemente protestar que Josu Lavin usa le nomine "Academia pro
> > Interlingua" alicubi in su projecto de grammatica. Io exhorta cata ver
> > interlinguista a boycottar participation si Josu Lavin resiste.
> >
> > Janne
>
|
