Car Andrew,
io desira dicer clarmente que io ama le anglese ver, e que plure
scriptores de lingua anglese es parte integrante de mi vita.
In mi Pais io es definite "un anglophilo". Lo que io non ama es le
"business" injuste que esseva construite circa le anglese international.
Iste antipathia nasceva in le anno 1987 dum io esseva in Chicago in un
Conferentia international in re le mercato alimentari in le anno 2000.

In ille tempore, io habeva jam studiate anglese per 25 annos, e desde le
1969 io esseva assatis frequentemente in London e - per plure menses -
in Boston. Mi anglese esseva definite "de stylo britannic".

Io presentava in le conferentia un importante studio, totalmente nove in
le SUA, que in le annos subsequente se revelava prophetic. Durante que
io parlava, io videva un yankee avante me qui conversava amabilmente con
un seniora blonde. Io rogava su attention e ille diceva qualcosa al
seniora blonde, qui rideva. Io comprendeva solmente duo parolas: "broken
english".

Probabilmente ille yankee cognosceva solmente le anglese de Chicago e su
lecturas esseva limitate a Superman e Batman, ma in ille momento ille ha
vincite pro su superior cognoscentia del anglese local.

In re le parola "alterophonos": io non me offendeva, quia io sape que tu
lingua matre (Polonese?) non es anglese. Ma le facto que tu placiava le
anglese de un parte, super un columna, e tote le altere linguas in basso
de un altere parte es multo indicative de tu puncto de vista incosciente.

Andrew Juhasz scribeva:
> Si, io es de aoccordo. Mais in iste tempores, es le anglese (e io ha debite
> apprender lo).
>
>
> Le problema es que il ha un minusculissime numero de parlatores de
> interlingua.
> Alora, iste comprension meliorate (per interlingua) habe  nihil influentia a
> le politica del mundo.
>
> In respecto de "alterophonos": io usava iste neologismo mie perque io non
> habeva le voluntate scriber "et illes qui parla
> un lingua que differe del anglese", plure vices. Tu sape que anglese non es
> mi matrelingua, dunque io es anque un
> "alterophono". De plus, io non habeva cognoscentia de iste parola antea mi
> construction de lo, io non sape
> como un parola io ipse ha create (e cuje signifficantia include mi ipse)
> pote esser offensive. Mais si io ha offendite
> alcuno ci, io lo regretta sinceremente, isto non esseva mi intention.
> Accepta mi pardonnas.
>
> Amicalmente
> Andrew
>
>

--
Archivos e disabonar: http://listserv.icors.org/archives/INTERLNG.html