Car amicos!

Io scribeva:

>>Nos esseva albergate insimul con le gruppo de dansas romanian...in qual esseva un puera, qui parla cinque-sex linguas...io dava le Panorama anque a illa a observar lo. Illa me comprendeva anque in interlingua, e anque le articulo(s?) legite per illa in Panorama in 100%-os. Io ha su adresse electronic, io scribeva a illa (in interlingua, e illa lo comprendeva totalmente)...ma illa scribeva, ben que il esserea facile apprender interlingua, ora su vita es un pauc chaotic, etc., illa non ha tempore.
Totevia io spera, que io potera restar con illa in contacto anque plus, e assi io potera dar la ancora qualque informationes super interlingua in general (illa non comprendeva le rolo, le senso, le signification de un "lingua auxiliar")...<<

Ante que scriber mi tercie (in viste del seriositate le secunde) littera a illa, io vole demandar vostre consilios, como explicar a illa le concepto de "lingua auxiliar" (illa me demandava ancora personalmente in Sardinia: "Was ist Hilfssprache? Was hilft man damit?"). 

Illa ha demandate anque ancora personalmente, quanto homines parla interlingua in le mundo - io non poteva dicer isto a illa. Esque vos sape? 

Io la diceva, que essente un lingua artificial - io ha mentionate le nomine del esperanto con le scopo melio explicar le concepto de "lingua auxiliar" a illa, habente sperate, que illa jam audiva super illo, e assi illa pote plus ben identificar le concepto - interlingua non es parlate in un loco (pais) certe del mundo, ma es usabile in le interrete, e on pote viagiar al conferentias. Esque io ha ben mentionate le avantages de interlingua? Qual altere avantages vos poterea scriber a me, le quales io poterea scriber a illa?

Como io la poterea persuader re le utilitate de apprender interlingua, le qual illa comprende totalmente?

Amicalmente:

KOVÁCS Péter

http://geocities.com/kovicsan (Isto es mi pagina de rete personal in interlingua, ancora non preste.)