Car senior Piet Cleij,

Como vos ha potite leger in le anterior message io desira que vostre DIN deveni le AUTORITATE in questiones lexic de Interlingua e que assi sia acceptate per le majoritate de usatores del Lingua International. Le DIN deberea esser traducite postea a tote nostre altere linguas.

Vos non necessita responder publicamente a iste idea mie.

Io vole invitar vos a crear un gruppo private de consultation lexicographic formate per Ingvar Stenström, Bent Andersen, Jerzcy Jeszinsky, etc.

In le sito:

http://interlingua.wikia.com/wiki/Collaterales

il ha un lista de formas collateral (inter illos, le famose mulaikismos, etc.).

Le gruppo private de consultation lexigraphic deberea decider privatemente si tal parolas debe pertiner al DIN o non. Illes te informarea e vos prenderea le ultime parola re le inclusion o non de tal parolas.

Le resultato serea visibile in le futur editiones sempre actualisate de vostre DIN.

E como dicite, tote iste travalio serea sempre private e sin informar nos re ulle decision.

Si passate un tempore nos videva un "aquelle", per exemplo, in vostre dictionario, nos saperea que, sia vos ipse, sia le gruppo con vostre approbation, ha decidite includer lo.

In le sito:

http://interlingua.wikia.com/wiki/Collaterales

on pote adder parolas commentate in interlingua-coollist que ancora non appare in vostre dictionario, a fin que le gruppo de consultation pote decider sur illos.

Le parolas non acceptate continuara in:

http://interlingua.wikia.com/wiki/Collaterales

si possibile con explicationes que clarifica lor significato.

Il es evidente que le usatores de Interlingua es libere a usar illo que illes vole ubicunque. Ergo, il habera usatores plus obedientes e usatores minus obedientes, ma tote nos debe saper que cosa es INTERLINGUA ORTHODOXE (=DIN) e que cosa non lo es, a fin que in libertate nos decida que usar.

Imbracios amical

Josu Lavin
NOTA: Io non necessita ulle responsa a iste message. ACTION E PUNCTO FINAL!
_________________________________________________________________
¡Entra en el Club oficial de Messenger y te enterarás de todas las novedades! 
http://www.vivelive.com/ilovemessenger
--
Archivos e disabonar: http://listserv.icors.org/archives/INTERLNG.html