22:58 14/01/2000
Respondente a Allan Kiviaho:
===========================
<Victor A. Tchernavski 000105:
<"Czeczenistan" es fiction, il ha solmente le Republica
<Tchetchen como parte de Federation de Russia.
Nemo dice in Russia "Czeczenistan", mesmo tchetchenos
prefere le parola "Itchkeria". Le tchetchenos e le ingushes
ha le radices commun, e le nomine commun de iste populos
es vainakhi. Le Republica Tchetcheno-Ingush esseva un de
alicun decenas altere republicas sovietic autonome.
Prime infortuna de multe caucasianos (e tchetchenos)
sempre esseva manco de travalio. In iste caso le armas
es melior medio pro dar se labor. O sequestro. Cata victima
de sequestro pote costar le milliones de dollares american.
E ni taxas, ni punition. Moneta pur...
------------------------------------------------------
<Allan Kiviaho 2000-01-12: Car Victor, anque le russos
<ha usate le nomine Kazahstan in loco de "Kazahskaya
<Sovetzkaya Sotzialisticzeskaya Respublika" - pro
<rationes obvie. Anque Uzbekistan, Turkmenistan etc.
<E "Vostoczno-Kazahstanskaya Oblast" era le nomine
<official in le Union Sovietic pro un certe region. Io
<ha habite le costume de appellar multe paises in
<Asia Central con "-stan", como Pakistan, Afghanistan,
<Hindustan, Rajahstan - e Czeczenistan.
Naturalmente, il existe in lingua russe tal parolas, e nos
dice liberemente/fluentemente: Kazakhstan, Turkmenistan (o Turkmenia),
Uzbekistan, Tadzhikistan, Pakistan, Dagestan, etc.
Sed, per exemplo, Kirgizstan es le parola relativemente nove
e mal pro pronunciation russe (o aure russe), nos prefere
Kirgizia. Certo, nos pote usar in interlingua differente
formas. Le tempore seligera le formas plus effective e "ver".
< Le movimento de Interlingua anque ha un
< -stan eminente, Stan Mulaik ... Ille esseva
< e es le parte del Statos Unite.
Excusa me, Stan, per favor. Io non videva vostre nomine in multe parolas
geographic a causa de pronunciation ("a" in -stan e "ae" in Stan?;
"sten" litteralmente de russo)
<Nos e le altere nationes europee continuava appellar
<nos con nomine "Finland" benque nos era le "Velikií
<Knyazhestvo Finlyandii". Era Finlandia solmente un
<"fiction" in 1809--1917?
Allan, per favor,
Non compara le Finlandia civilisate multe annos, habente su
organisation de stato, abundante historia, con le republica
provincial de ex-URSS. Vos habeva "Kniazhestvo" con su derectos
plus grande que le derectos de republica autonome in le Union Sovietic.
Vostre cultura es europee. Le Tchetchnia es le parte de ex-republica
Tchetcheno-Ingush que sempre esseva plus lontan de Europa.
Le vita al Caucaso es principialmente diverse de vostre,
specialmente pro feminas (llas non ha le derectos mesmo pro amor).
Excusa me, mais io non pensava, que vos va scribera "fiction"
concernente a vostre pais. Isto es le celo e terra, iste duo casos.
<Victor A. Tchernavski:
<Sed le Tchetchnia esseva e es le parte de Russia
------------------------------------------------------
<Allan Kiviaho: Victor, an tu pensa que Estonia,
<Latvia, Lituania e Kazahstan esseva e son un parte de
<Russia? Si non, proque Czeczenistan lo es? Qual son le
<criterias juridic e ethic pro isto?
<Amicalmente
<Allan Kiviaho
<Ex un pais fictive
Le paises como Latvia, Lituania e Kazakhstan habeva in le Union Sovietic
poteres plus effective que le republicas autonome. Stalin dava a iste
republicas plus grande derectos a nostre misfortuna, proque, si tote
republicas esserea autonome, o il non haberea division national - solmente
gubernias como propone Vladimir Zhirinovski, - nos viverea in le "Imperia
de Russia" hodie tamben (mesmo con le nomine Union Sovitic o le Statos
Unite de Europa e Asia; il ha un mal burla de nostre humoristas:
Aseopa que pronuncia similemente a mal parola de lingua russe, - forsan,
le amatores de lingua russe comprendeva, que io mentionava, -
"a.-h." in anglese ?, proque nostre situation es tristissime).
Si, le sanguine perdite pro renovar imperia
como le URSS post le revolution esseva enorme, le guerra civil esseva
le catastrophe global pro populos de Russia (le latvianos adjutava
como illes poteva pro haber victoria per bolshevicos).
Solmente un republica autonome de Russia aliquando habeva su soveranitate:
Tuva (o Tyva como dice "tyvianos"). Il habeva le republica (forsan, foras
de Union). Altere republicas autonome esseva plus russificate. Ora quando
multe russos e russoparlantes habeva occidite e retirate de Tchetchnia,
iste region es plus tchetchen.
Sed alicun annos retro multe russos viveva illac.
<Allan diceva,
>>
Le movimento de Interlingua anque ha un
-stan eminente, Stan Mulaik ... Ille esseva
e es le parte del Statos Unite.
>>
<Io non es fictive. Le Stan es breve pro Stanley. Plure annos retro,
<ante que io me maritava, io habeva un amica in le hospital de veteranos
<in Nove York, un infirmera de ancestrage polonese de Scranton, Pennsylvania,
<un belle femina. Ille me appellava "Stash" que io crede es le abbreviatura
<pro Stanislaus in polonese. Illa pertineva a un secto del Catholicismo in
<que le parocho es permittite a maritar se. Illo non esseva approbate per
<Roma, naturalmente. In America, tote cosas es possibile!
<Stan (Stash) -Stan
... tote cosas es possibile ... Mesmo "fail states". Io es ver?
Russia es "fail", nonne? Anque Tchetchia es "fail republic" pro Russia.
Io audiva le termino nove al novas de TV.
Al proposito, Monica es plus popular a iste dies in alicun jornales
russe que Bill Clinton.
<Victor A. Tchernavski 000105:
<Al proposito, le militia tchetchen de un leader
<tchetchen Gantamirov (ex-burgomaestro de capital de
<Tchetchnia, amnistiate per autoritates federal) adjuta
<liberar Groznyi al truppas regular russe. Alicun
<imames anque es al latere federal.
------------------------------------------------------
<Allan Kiviaho 2000-01-13: Car Victor, mesmo le plus
<patriotic nationes ha habite personas qui le
<combattentes de libertate nomina traitores e
<collaboratores. Finlandia habeva Otto Ville Kuusinen,
<Norvegia Vidkun Quisling, Francia le marechal Pétain
<e Laval, mesmo Russia general Vlasov.
<General Vlasov voleva conducer un tote armea russe
<contra su pais materne sed Hitler era bastante
<hesitante a iste idea. Alicun divisiones era fundate,
<totevia: Le 29me (russ.), 30me (russ.), 600me (russ.),
<650me (russ) e 30me (weissruth. - bieloruthen)
<Infanterie-Division e 1me e 2nde Kosaken-Kavallerie-
<Division que obviemente era preste a "adjutar liberar
<Moskva al truppas regular german".
Le historia de Vlasov es multo estranie o bizarre.
Io ubique legeva que solmente Vlasov esseva un traitor.
Su truppas era occidite (in battalia, o ...), e multe annos
illes non esseva interrate restante in bosco. Le historia sovietic...
Le truppas nove habeva su initio de campos de concentration, ubi
le leges esseva multo cruel pro populos slavianic, non pro
americanos).
<In le medie de 1944 le armea german habeva ca. 500 000
<"Hilfswillige" ("Hiwis") russe e altere nationes del
<Union Sovietic qui adjutava le germanos in logistica.
<Le 1943-OCT-02 un nove organisation de divisiones del
<Wehrmacht german era introducite, secundo de qual cata
<division debeva consister de 10 708 soldatos german e
<2005 "Hiwis" russe.
Morte o guerra contra Sovietes? Naturalmente, le homine
disponite a fundo in le campo de concentration
non poteva pensar longe tempore.
<Victor A. Tchernavski 000105:
<"... liberar Groznyi al truppas regular russe"
------------------------------------------------------
<Allan Kiviaho: Tu ha un conception bizarre pro
<"liberation". Le armea russe ha jam quasi totalmente
<destruite iste citate con massive attaccos per
<artilleria, aviones e helicopteros. In Europa
<occidental on es horrificate del brutalitate incredi-
<bile de modo con que le armea russe age. Le armea
<russe impietosemente mallea un grande citate IN SU
<PROPRIE STATO, LA MATRE RUSSIA, que habeva (al minus
<durante le previe guerra de Russia contra le
<czeczenianos) un considerabile quantitate del ethnic
<russos, feminas e infantes.
Solmente America ha le conceptiones non-bizarre
(acception unanime de Europa), quando illes bombarda le terra
de altere pais, de altere continente. LE MATRE AMERICA, sonia
in silention, nemo face mal cosa a tu belle campos,...,
solmente terroristas de Asia salvage...
<Victor:
<"... liberar Groznyi ..."
------------------------------------------------------
<Le ex-presidente Boris Yeltzin diceva in Israel ante
<alicun dies: "In un mense le bandiera russe undula
<ubique in Czeczenia - ISTO ES LE VIA QUE LE POPULO
<CZECZEN HA SELECTE". E sr Putin declarava ante duo
<dies que "cata viro czeczen inter 10 (!!) e 60 annos
<essera meticulosemente examinate pro lor eventual
<connexiones con le terroristas". Assi libera le stato
<russe.
Grande error de Boris esseva, quando ille secundo de
resolution de parlamento de Russia in initio de 90
non poneva Dudaiev a prision, quando ille con su truppos
mal organisate annihilava le parlamento Tchetchen-Ingush.
Le guerra tchetchen prime comenciava postea, quando
Dudaiev jam recipeva le armas de ... Armea de Russia
antea dislocate in iste region.
<Car Victor, mi collegas nordic ha dicite que tu es
<un persona human e gentil. Forsan tu manca information
<objective e neutral. Al minus le media finlandese
<mantene que p.ex. le television in Russia es sub
<controlo total de presidente.
<Allan Kiviaho
Oh, io habeva multe information. Sed in Russia nos ha
le opinion commun que es patriotic a differente nivellos.
Naturalmente, G.Iavlinski prefere le West. Forsan, ille
recipe moneta de iste paises? Como Lenin de Germania
pro organisar le revolution.
Ora in Russia le censura non es tal critic como a tempores
sovietic, e nos ha plus de information. Multe TV-canales,
jornales, magazines de altere paises son accessibile a russos.
Plus, Internet.
Forsan, il ha le patriotismo forte in cata homine slavianic,
como musulmanos oblida su guerras, quando un de nation islamic
(como tchetchen) es sub "intervention" non-islamic.
Io jam memora le Balcanes.
Mais io legeva como effective es propaganda in le SUA e altere
paise del West, que le homines repete "nigre es blanc, e blanc es nigre",
"le serbos son mal, e le kosovares so bon", "le russos son ursos,
e le americanos son primissime nation del mundo".
Sovente io audi le comparationes de Russia e China in reportages.
Le cameradas chinese ha plus succesos in su mercato con socialismo/communismo,
e russos perdeva socialismo e non ha le mercato effective.
E ultimo: si nos habera tanto paises quanto nos ha populos (milles),
le Organisation de Nationes Unite habera plus interessante spectaculo
a su congressos que le Dumas de Russia. E io comprende le anxietates
de geographos. Sed le cartas geographic sera interessantissime
librettos pro infantes. Qual picturas!
Solmente hodie le anno nove 2000 initiava "legalmente" in Russia.
Nos habeva un festa inofficial "Le Anno Nove Vetule". Vos me comprendeva?
Isto es bizarre, sed le 14 de januario 2000 per le calendario usate
al West e in Russia ora es le 1e januario per calendario julian usate
in Russia ante revolution e sol pro ecclesia orthodoxal in Russia.
Nostre Natal es al 7 de januario. Ben, le russos pote celebrar del 25 de
decembre del anno passate al 14 de januario del anno nove. E multes
usa iste possibilitate... Nostre arbore de Natal, nominate "novogodniaia
iolka", es pro le festa del Anno Nove del 1 de januario. Sovente illo
sta al 14 de januario.
Tosto il habera plus duo festas popular: masculin e feminin.
Le Die de Armea de Russia - le 23 de februario.
Le Die International de Feminas - le 8 de martio.
Illos esseva in le calendario sovietic e non perdeva su loco in le
tempores mercantil como anque le 1e Maio, Le Die de Revolution de Octobre
de 7 novembre, sed con altere nomines.
Plus "festas" nov le 12 de junio e le 12 de decembre.
Un die de "independentia", altere de "constitution".
Io non pote memora qual de qual parte.
Solmente le 9 maio, le Die de Victoria, es absolutemente sacrate.
Nos habera le 55e anniversario de Victoria, que es absolutemente
incognite pro multe juvenos del West. "Unknown War" - le guerra incognite-
esseva le film un die demonstrate in le SUA pro demonstrar tote
factos triste de guerra real.
Si, le nostalgia pro le tempores sovietic es ubique in Russia.
Le 10 annos non es tempore pro oblidar le cosas e bon, e mal.
Mais, plus global novas es super le grippa que vade de Europa a Russia.
Le jornales terrorisava nos per articulos super le factos letal
post le influenza.
Victor Tchernavski de Russia "aggressive".
|
