On Fri, May 02, 2003 at 03:10:22PM -0700, Harleigh Kyson Jr. wrote:
>
> Il ha devenite multo obvie que nostre personalitates
> es un function del circuitos neuronal de nostre
> cerebros. Quando nostre neurones mori, nostre
> personalitates anque mori con illos.
[*talia*]
> Nos nunc sape que le evolution del vita sur nostre
> planeta anque es un processo fragilissime que a vices
> ha essite interrumpite de manieras drastic con
> eruptiones volcanic e collisiones con
> planetesimales--altere processos aleatori commun in le
> formation de planetas e de systemas solar.
de accordo, si
> Multe personas es pauc comfortabile con iste
> circumstantias que forma un parte fundamental del
> condition human. Pro oblidar los, illes se perde in
> religiones de diverse typos, le quales ha
> characteristicas multo simile a psychoses. Il anque
> es ver que multes qui ha formate le doctrinas de iste
> religiones probabilemente esseva schizophrenic.
Si, alcun personas, qui es dolite per le pena de vita, diriger se
verso religion como un escappata del cruelitate de lor situationes.
E recentemente un programma de television appellate "Horizon" dice que
alcun personas religiose qui ha visiones probabilemente ha "lobo
anterior schizophrenia", e le evidentia pare bon.
Mais, ben que io es un materialista (philosophic), e un atheista, e io
crede illo que tu ha scribite in le parte premiere de su message, io
anque crede que vita ha un altere dimension (non physic ultimemente,
mais social), a causa del interationes inter gente, etc. Io non crede
que le grande institutiones religiose es excusabile (ben que que illos
"salva" suicidas potential, que es bon), mais io crede que systemas de
credentia es utile, alcunque, pro le societates occidental
(e probabilemente alteres, anque).
"Le probe del utilitate de un systema es su existentia."
-- Persona Oblidate
Le "systema" del religiones hierarchic es mortiente, si, mais illo
ancora ha utilitate.
Al minus de religiones, illos sovente combina aspectos non connexe de
philosophia in un collection cuje gestalt (le "senso" del toto) pare
malformate. Mais multe de isto es un cosa historic, e va mortir.
> A causa de iste circumstantias, io conclude que le
> religion es un activitate fallite del humanitate.
Mal premises!!! Buuu!!! (*sonos de disapproba*)
Pacemente, Tom.
----
Como un tentative `nota al latere', le nocte passate io telespectate
un programma pro nostre (Britannic) scholas secundari, per le BBC e
super le education religiose, e, specificamente, le opiniones de
religiones sur le subjecto de homosexualitate, que io va narrar, si il
non ha responsas inflammatori, o preferibilemente, nulle responsas a
iste section.
Il ha un christiano gay juvene, qui deveniva celibe (su mesme
decision, e ille esseva contente pro le momento) proque alcun partes
del biblia lo dice, e un episcopo vetule (al plus, ancian!) qui dice
que le homosexualitate es un peccato, ben que un peccato minor.
Melior, il ha anque un grandissime convention de christianos gay, de
omne etates, e un prestre feminin, qui crede que christianos pote
esser gay sin contradiction, e que su amico es un prestre feminin
lesbian, e non celibe.
Del Judeos, il ha un rabbi qui dice que, ben que le torah ha un linea
contra homosexualitate, judeismo es basate sur compassion, e le grande
numero de judeos es felice super homosexualitate in le communitate
judeic. Il anque habeva un rabbi prominente in le medios circa
London, qui es homosexual, e de 20 annos ha essite vivente con un
altere homine, como pseudo-sposos.
Io non es un experto, mais io crede que le vetule conservatores del
ecclesia va morir :-), le juvenes va re-interpretar le Biblia, e (al
minus in Britannia), le ecclesia christian va continuar declinar, e va
acceptar homosexualitate, como le messia Jesus Christo acceptate
totos.
--
| /o-o\ | Tomas Croft; http://purl.info/net/tomch/
| //\-/\\ | the wind of change changes direction
| Vocabulos + Symbolos International -> Comprehension Maxime in Europa!
|
