Forsan on pote formular le regula assi que le democratias non facilmente
comencia guerras contra altere paises, lo que non significa que le politica
de canonieras pote esser ducite.

On diceva in nostre medios in re le campania Tempesta del deserto que le
Aliantia non voleva ir usque a Bagdad con forcias terrestre e detronisar le
capo de stato quia isto significarea troppo de mortos.

In iste senso certo le idea de democratias era correcte. Como un micre
action - que costava multo de moneta - on poteva attaccar Iraq ma on non
poteva facer plus pro le opinion public. Vos pote mesmo judicar le
probabilitate de un tal interpretation.

Al presente il ha un interessante processo juridic in Svedia. Un juvene
jornalista qui labora in le jornal Aftonbladet habeva trovate un _scoop_,
un sensation del qual ille es le prime discopertor. Juncte con alcun
neonazis ille planava un action in le qual le neonazis facerea picturas
photographic in le quales illes (le neonazis) sta con carabinas automatic
ante le porta del portaparola del poicia in Stockholm e ante le porta de un
cognoscite personalitate del television con provenientia grec. Le picturas
era postea publicate in le jornal con un reportage secundo le qual
"neonazis minacea personas public". Le procurator allege que le juvene
neonazis faceva le photographias e que le jornalista los revelava in le
laboratorio del jornal. Postea le copias era inviate al personas in
question: le personalitate televisive e le portaparola del policia! Io non
memora si on habeva inviate un littera con le photos.

Culpabile o non iste historia demonstra le possibilitates del medios
massive que illos pote crear varie situationes e le populo crede que illos
es ver!

Como un demonstration del poter e le possibilitate de abuso de information
le historia es multo illustrative, nonne?




Kjell [log in to unmask]
Kjell Rehnstroem
Vaenortsgatan 87
S-752 64  UPPSALA
Suedia - Sweden