Kjell Rehnström scribeva:

> Certo. Ante alcun annos nos habeva un unda de frigor (non como in Russia o
> in le Statos Unite, ma nonobstante - 25 grados Celsius durante alcun
> septimanas, e isto era un problema pro personas con problemas del function
> del corde. Ego audiva un discurso (conferentia, prelection) in le radio ubi
> un medico diceva: "Isto es naturalmente difficile pro multos. Le humano es
> de facto un animal tropic, e nos debe esser consciente de isto."

Sape vos ubi io pote trovar plus de information supre iste subjecto (in
qualcunque lingua)?

Poteva isto esser le ration proque le populos in le tertie mundo (basse
latitudes) es frequentemente plus felice que le populos del prime mundo
(alte latitudes), nonobstante le povressa in le tertie mundo?

Io es ignorante super isto subjecto, proque le loco le plus sudic a que
io ha jammais ite, es Paris (49 grados latitude)!  E illo era in
februario!

> Quando le temperatura in le estate (o fin de primavera) augmenta al +25
> grados C. tote le mundo subito sembla esser un altere, subito le humanos es
> plus spontanee. Foras es le letargia del tenebras in novembre, vade via ha
> le comatic senso in decembre, disparite in fumo ha le melancholia in
> januario. On ha sol.

Io ha audite super 'Disordine affective stational'.  Es illo un problema
ubi io habite (le nord de Anglaterra), o es illo un problema restricte
al latitudes vermente sub-arctic (nord de 60 grados latitude, per
exemplo)?

In mi region del mundo, temperaturas de die es quasi sempre supre 0
grados. C, (ma temperaturas de nocte es frequentemente sub 0 grados in
hiberno) ma mesmo in Julio temperaturas supre 25 grados C. es un
raritate!

> Nota que un gruppo de scandinavos va sider in le sol, durante le populos de
> plus sudic latitudes va allocar se in le umbra.
>
> Solo rabiate canes e scandinavos sorti in le sol de meridie!

Un altere question, proque es Interlingua popular in Scandinavia e
Hollandia, ma non assi multe in le paises romanoparlantes?

Cordialmente,

George