Arturo,
  Io es felice de apprender que vos insenia le espaniol e le anglese e
altere subjectos.  Io opina que il essera importante pro le dissemination
de interlingua que le inseniantes de linguas moderne se interessa in
interlingua.  A me il es un medio excellente pro inseniar le vocabulario
international in un forma international.  Ingvar Stenstrom in Svedia
usava interlingua pro inseniar le vocabulario international (sovente
derivate del latino) a pueros svedese.  Post solmente un anno de
instruction in interlingua, ille da su studentes textos del varie
linguas romance a traducer.  Illes non jam ha studiate iste linguas.
Un puera lo faceva perfectemente.  Ille da le mesme textos a studentes
qui durante le mesme anno ha studiate iste linguas romance, e illes
non poteve facer le traductiones con le mesme alte grado de successo.
Su rationamente pro explicar isto esseva que durante le anno, le
studentes del espaniol o le francese habeva studiate multe grammatica
e un parve vocabulario.  Del altere latere, durante le mesme anno,
le studentes de interlingua habeva rapidemente apprendite le facile
grammatica, alora le majoritate de lor tempore esseva dedicate al
apprension del vocabulario.

Io ha un conjectura:  Suppone que on insenia le interlingua a hispanoparlantes.
Il es un lingua multo similar al lore, mais su formas es plus latin e
assi plus similar al parolas de origine latin in anglese, que es
multitudinose.  Esque interlingua adjutarea le hispanophonos in apprender
anglese?  Un experimento possibile?

Stan Mulaik

Interlingua es un lingua pontal.