Stanley Mulaik scribeva:
>On dice que le oleo de canola es naturalmente incomestibile. Mais post
>manipular su genos a remover los que lo face indigestibile, illo es un
>excellente oleo pro salatas que es beneficial al homine.
Isto vale solmente in medio. Il es ver que on disvelopava varietates
mangiabile de colza (anglese 'rapeseed') per technicas scientific.
(Un invention canadian, a proposito; canola = CANadian Oil with Low
Acidity.) Ma canola esseva disvelopate in le annos septanta, per
methodos propagatori traditional, non per le genomanipulation.
Recentemente, Monsanto (interprisa arch-genomanipulator) ha ganiate
un grande parte del mercato de canola pro su producto Roundup-Ready
Canola, que es ya genomanipulate. Iste facto debe esser le causa del
confusion.
>In multe casos
>le specie manipulate geneticamente es plus resistante a certe infectiones
>e infestationes, que face possible le decrescite uso de pesticidas, que
>reduce le mal effectos de aquello quando le planta es usate como nutrimento.
Possibilemente. Il es forsan un catastropho de propaganda que le "Roundup-
Ready" productos de Monsanto es de facto un del prime grande successos
commercial de genomanipulation. Nam iste plantos "preste pro [le
pesticido] Roundup" es etiam designate pro tolerar un nivello de pesticido
*elevate*. Le intention es que le agricultor pote eliminar tote plantos
e insectos in su campos, excepte le planto cultivate. Monsanto ha tentava
vestir iste in vestimentos "eco-amical", per asserer que lor methodos
hypertoxic reduce le erosion del solo per reducer le frequentia de
agrar. Pathetic.
>Io opina que le publico time lo que illo non pote comprender, e le meravilias
>del scientia moderne es un mysteria que multe individuos time. Illes
>a vices cognosce un caso ubi un scientista ha facite errores inexpectate,
>e illes amplifica lor possibilitate de occurrer toto foras le realitate.
Certe membros del publico pare esser un timor non-rational contra
le technogia. Ma io crede que le majoritate vide in lor derecto
a scepticismo un defensa contra le tyrannia de expertos. In iste
caso, il se tracta non solo del familiar arrogantia de expertos, ma
anque del tacticas multo aggressive de firmas private, supertoto de
Monsanto. Io pensa non solo al productos "Roundup-Ready", anque
al promotion del hormono bovin de crescimento (Bovine Growth Hormone)
in Canada, e lor acquisition de multo firmas fornitor de semines
a fin de "aperir" le agricultura a su productos.
In plus le historia de iste compania es etiam un eco-incubo; habente
comenciate como productor chimic (un explosion a su fabrica a
Galviston Texas esseva le plus grande (e sanguinari) explosion
chemic in le historia del USA), illo plus tarde produceva et
napalm et Agent Orange durante le guerra vietnamese... on dice
que lor version de Agent Orange era le plus potente. In le annos
octanta, percipiente que le industria chemic stagnava, illo
visava le campo promittente de biotechnologia, e nos sape le
resto. Il pote esser un elemento de mythologia
in mi description (le opponentes de genomanipulation tende
exaggerar a vices), ma io, al minus, ha nulle confidentia in illo
e (per extension) le altere proponentes de iste technologia.
Assi, io lo rejice usque al tempore ubi io ha un tal
confidentia.
Sperante que nulle avocato de Monsanto se abonna a INTERLNG,
e amicalmente,
Chris Burd
|
