Information de Interlingua in linguas national deberea esser
trovabile sur le sito official de UMI in tante linguas como
possibile.
Un brochure de 24 paginas, "Interlingua - lingua international
del 21-e seculo", scribite per me es disponibile in svedese in le
sito de Jan Armann. Illo contine un presentation, le gram. in
12 paragraphos, formation de parolas e le 2000 parolas le plus
frequente. Quicunque lo vole es libere a traducer lo.
Fred Blomson, membro grec de Soc.Sved. pro I-a,
lo ha traducite in greco e illo es nunc in le manos de Ensjo e Paolo.
Nos spera que illes tosto lo publicara in le sito de UMI (le prime
septimanas ´sub le rubrica Novitates. Visitantes occasional
altermente non lo nota.)
Le brochure existe tamben in serbo-croato in forma imprimite.
Qui pote scannar lo e inserer lo in le rete?
Information in romaniano jam existe sur le sito. Sed le sol adresse
pro interessatos es illo de Toma Macovei. Per favor adde le
adresse de Florin e Simona.
Le brochure mentionate in traduction de Gheorghe Petrineanu,
membro romanian de SSI, es obtenibile ab Association Romanian
Pro I-a. (ARPI).
Chris Burd ha facite un cerca in Internet multo utile e discoperite
un pagina in slovaco (=slovensko, in le lingua slovac), autorate
per Julius Tomin, repr. de UMI, sed ponite in le rete per un incognito.
Nos preca Ensjo/Paolo facer ligamines al sitos discperite per Chris!
E visita los!
(Sape vos que J.T, es le patre del famose dissidente e signator
del Charta 77, tamben nominate Julius Tomin, docente univ.
del philosophia grec, qui esseva expellite de su posto e
fortiate a travaliar como guardator de nocte in le Jardin zoologic
e postea exiliate?)
Breve textos informative con adresses de interlinguistas del
mesme pais debe esser create in multe altere linguas si tosto
como possibile, p.ex. in bulgaro (Petio?), tcheco,
hungaro (Ferenc Jeszenszky), arabic, chinese (Don Gasper?,
japonese (Satoko Fujimoto-Berger?), hindi etc. O per qui?
-http://spacsun.rice.edu/%7Emboett/mboett_interlingua.html
Ecce un pagina personal de Markus Boettcher, un scientista german,
astrophysico, laborante in Houston, SUA, que non es trovabile
inter le ligamines in le sito de UMI. Pote vos includer lo?
Le prime anno del nove seculo debe esser un anno _active_,
durante le qual nos revela al mundo "le secreto" que nos existe
e que Interlingua es un instrumento de communication utilisabile
h o d i e e non solmente post un "adoption universal e official",
un eventualitate non tanto proxime ! Ecce le differentia essential
inter Interlingua e Esperanto; le utilitate de Eo sta in proportion
directe al numero de esperantistas attingibile (=organisate),
durante que I-a es familiar a milliones quando illes lo incontra,
sin que illes debe mesmo saper lo que es Interlingua.
Nos sape isto, sed le mundo non...
Accepta mi salutation con desiros pro un felice nove anno/
seculo, millennio!
Amicalmente,
Ingvar
Ingvar Stenström,
Vegagatan 12, S-432 36 Varberg, Svedia
Tel. +46-/0/340-15053
<[log in to unmask]>
<[log in to unmask]> <[log in to unmask]>
<http://www.interlingua.com> <http://www.algonet.se/~armann/>
ICQ UIN nr. 26993308
|
