----------------------------------------
Qui era Otto von Habsburg?
----------------------------------------

Car Anne e altere cameradas in le grande battalia pro Interlingua!

Il era un falta enoiante de inviar mi texto super Otto von Habsburg al
gruppo INTERLNG. Illo era intendite al gruppo AUXLNG. Un espaniol non
sapeva qui es O.v.H. benque ille ha habitate durante multe annos in
Espania, es le imperator
nominal del Austria-Hungaria e un persona extrememente eminente in le
historia de Europa. E benque le plus grande reges de Espania ha essite
habsburgianos. 

Io comprende que tu, Anne como marxista forsan non pote admirar un
imperator e rege con sanguine blau (multo blau) troppo multo. Io es
anque un republicano e nostre amico Janne Årmann plus assi - nonobstante
que ille vive in un regno.

Ma O.v.H. es un persona multo human e multissimo europee. Ille ha facite
multo pro Hungaria, nostre nation fraternal. Ille parla hungariano ben.
Il es natural, perque ille es anque le rege nominal de Hungaria. E su
patre, le ultime
imperator regente de Austria-Hungaria, tentava duo vices devenir le rege
regente in Hungaria ma le ambe vices admiral v.Horthy, le regente
(Reichsverweser) de Hungaria, arresteva ille e lassava le deportar. 

O.v.H. es doctor honoris causa al Universitate de Turku (Åbo), le ancian
capital de Finlandia, le citate de nascentia de mi patre (ille nasceva
in 1878) e le citate de studiar de nostre filio Jani. 

                [Anne 980129]

Tu ha oblidate un cosa in re tu amico Otto... Como tote su ancestres,
ille nunquam ha pardonnate al Suissa de se esser liberate del oppression
del Habsburg... in 1291 !!!  Illo face plus que 700 annos de
resentimento!!!   Povre Otto, illo debe esser multo fatigante de portar
700 annos de resentimento! ;-)

                [Allan 980130]

No, io non ha oblidate que le dynastia de Habsburg veni ex Suissa.
Durante nostre sojorno in Suissa 1983--5 nos sempre duceva nostre
visitantes ex Finlandia a Morgarten pro vider le monumento del battalia
de Morgarten ubique le armea habsburgiano era annihilate per le paisanos
suisse. Morgarten ha loco in Ägeri (Unter-Ägeri?), al latere del est de
Zugerberg, nos habitava in le citate Zug, al latere del west de
Zugerberg. In le schola de nostre infantes,
le Instituto Montana sur Zugerberg, era un Habsburg (in le section
german, nostre infantes era in le section american). Io me demanda si
iste Habsburg era un grandfilio de Otto von Habsburg. "Le Habsburg de
Montana" cantava in le choro del Instituto Montana e le cantos de isto
choro son etiam recordate
a disco. 

                [Anne 980129]
... Ma tu ha facite le crimine gravissime de scriber tu message in
anglese... pro que on te pardonna, tu debe traducer lo in
interlingua.;-)

                [Allan 980130]
Si, il es un "crimine gravissime" e anque un peccato mortal de scriber
in anglese, ma le gruppo del AUXLNG consiste principalmente de
esperantistas, idistas, novialistas e - le horror de horrores -
speedwordistas qui querela inter
alteres super le detalios minuscule su linguas auxiliar favorite. Quasi
omnes de illes odia Interlingua. Stan Mulaik e Kjell Rehnström ha facite
ibi un guerrillero partisane heroic pro Interlingua.

                [Anne 980129]
Ha un bon die, Allan... e non oblida nos!

                [Allan 980130]
Danckhe e merci vielmals! Io anque augura te e tote interlinguanistas un
bon die. Io ha legite con horror super le hiberno in Quebec e alterubi
in le America del Nord. In Finlandia isto hiberno ha essite calide,
troppo calide. In le sud solmente alicun grados sub zero. Ma heri il era
-11 oC. On ha prognosticate plus niva e alicun tempesta pro hodie. In le
natal de 1996 nos habeva -26 oC. Io sedeva in un toilette external
legente (interlingua?) un longe tempore e prendeva un matre del tote
influenzas.

Desde le natal 1997 io ha essite multissimo occupate per mi travalio,
alicun 200 horas extra travalio, 7 dies per septimana, alicun vices 21
horas travalio e 3 horas reposo. 

Le pauc tempores de reposto io ha usate pro scriber al lista AUXLANG. Mi
motivo ha essite a colliger material pro le grande battalia pro
Interlingua como un lingua auxiliar official in le Union Europee. 

Nunc mi extra tarvalio monstrose es finite e io ha de novo tempore pro
scriber a INTERLNG.


Que vive le Interlingua! 
Interlingua es un lingua vivente! Esperanto, Ido e altere linguas
artificial son linguas morte.

Allan
Ex Finlandia sin hiberno