Car amicos,
Hodie prof. Toma Macovei, Romania, celebra su 90-e anniversario.
Nos qui le ha incontrate plure vices ha a cata occasion esseva
impressionate per su vitalitate, le qual non mesmo un grave surditate
pote celar.  Audir ille declamar su traductiones de poesia es un ver
gaudio; ille parla - con un voce tonitrante - como un actor.
De facto ille es nostre autor le plus productive de originales de
valor litterari e io es terribilemente desolate que io non ha plus
in avantia ha potite tornar vostre attention sur ille e su anniversario.

Ante alcun minutas io ha parlate per telephono con su filia, qui
esseva a casa hodie e qui sape parlar francese e communicate
a Toma nostre felicitationes.
Forsan inter vos alcuno volerea scriber un salute a ille:
Prof. Toma Macovei
Str. N.Balcescu 31,
bl. 38, sc. B, ap. 7
Ro-5025  Muzil
Romania.

Un alternativa es que vos invia a ille vostre felicitationes via mi
adresse electronic
e io pote imprimer los, poner los in un inveloppe e inviar los
a Toma como un sorta de /t/elegrammas.
In Danmark on planifica le publication de su Memorias, un
manuscripto de 200 paginas, in le qual ille narra de su longe
vita plen de vicissitudes; i.a. ille esseva partisano contra le
fashistas durante le guerra.
Ille es un homine digne de nostre adimiration de attention.
Amicalmente,
Ingvar.