MANIFESTANTES IN PLUS QUE 600 CITATES DEL PLANETA
EXPRIME LOR OPPOSITION AL GUERRA.
(Per Jorge Macias, La Opinion, Los Angeles, California
16 februario 2003)
In un movimento international antibellic, milliones de
manifestantes in plus que 600 citates del planeta
protestava heri contra un possibile guerra in Iraq
gerite per le Statos Unite.
Organisate con le adjuta de Internet, iste movimento
produceva manifestationes que se extendeva desde Los
Angeles a Roma, del capital de Mexico a London, de Rio
de Janeiro a Madrid.
Le capital britannic produceva le manifestation le
plus grande durante le die del protesta, con al minus
3.000.000 de personas, secundo le organisatores del
manifestantes, ben que le policia anglese diceva que
il habeva un total de solmente 1.000.000 de illes.
In le stratas de Hollywood milles de voces in favor
del pace resonava con fortia durante que le Consilio
de Securitate del Nationes Unite studiava alternativas
pro le disarmamento de Iraq sin recurrer a un guerra.
Durante que le Statos Unite continuava su transporto
de 3.500 soldatos diariemente al zona del Golfo
Persic, Kuwait, e altere areas circumferente Iraq, il
habeva un marcha plus modeste ma completemente pacific
in le stratas de Hollywood.
In iste manifestation participava 15.000 personas
secundo le policia e 30.000 secundo le organisatores
del marcha. Simile manifestationes se reproduceva in
altere urbes de California e in le pais con messages
de "Nulle guerra a cambio de petroleo" "Nulle guerra
in nostre nomine", e "Nulle petroleo a cambio del
sanguine de americanos povre".
"Nos face le sol cosa disponibile a nos pro confrontar
iste crise horribile," diceva le actor american Martin
Sheen. "Nos manifesta in commun e nostre fortia e
nostre debilitate. Nulles ex nos pote arrestar le
curso de iste guerra. Solmente nostre presidente pote
facer isto."
Durante que decenas de stratas esseva blocate a
traffico vehicular, unes 300 agentes de policia in
motocyclettas, automobiles, e helicopteros vigilava le
marcha, que terminava apud le station de recrutamento
pro le fortias militar statounitese. Il non habeva
arrestos.
"Io non crede in le presidente Bush", declarava Nina
Zvaleko de Highland Park. "Ille es un traitor. Ille
solmente vole le dominio militar in le Medio Oriente
pro controlar su ressources natural pro inricchir
companias como Exxon e assecurar su re-election."
Un invasion del Statos Unite a in Iraq costarea unes
200.000.000.000.000 dollars, devastante le economia
del pais, affirmava Robert Leyland, un membro del
organisation Vecinos pro le Pace e le Justitia.
Leyland addeva que le effectos de un guerra in Iraq
esserea etiam plus devastante proque illo "augmentarea
le odio contra le Statos Unite in omne le mundo e
provocarea le creation de un nove generation de
terroristas.
"Le desiro quasi libidinose pro le guerra es un mania
completemente folle del Presidente Bush, qui, secundo
le ex-secretario de Justitia Ramsey Clark, debe esser
processate legalmente como un traitor al pais."
---
Si vos sape leger anglese, obtine un copia del libro
"Rogue State, A Guide to the World's only Superpower"
de William Blum (Monroe, Maine, SUA, Common Courage
Press, c2000).
Traduce (partes de) iste libro a in le linguas que vos
cognosce, e transmitte le textos a in omne le partes
del Rete que es accessibile a vos.
(Cerca le Rete. Forsan iste libro es jam disponibile
in anglese in diverse partes de illo. Si vos trova
[partes de] iste libro, vos potera comenciar le
travalio de traducer e transmitter lo immediatemente.)
Monstra al mundo le monstro international que ha
devenite le Statos Unite. ECRASEZ L'INFAME!
__________________________________________________
Do you Yahoo!?
Yahoo! Shopping - Send Flowers for Valentine's Day
http://shopping.yahoo.com
|
