10:58 23-1-2014, Mario Malaguti:
>Proque tractar re le accentuation de formas de verbos in iste lista?

In le description del lista il ha:
==
Le objectivo de iste lista de correspondentia es provider un foro
pro USAR le lingua. Le intention principal non es discussiones
SUPER Interlingua ma discussiones IN Interlingua super themas varie.
==

Ma anque:
==
Nonobstante, isto non vole dicer que tal discussiones super
Interlingua non sia benvenite. Nos spera que interlinguophonos a
qualcunque nivello se sentira benvenite. Il debe esser evidente
que necuno parla interlingua como lingua materne. On pote sempre
meliorar se. Ergo, omne participante in iste gruppo intende
sempre communicar con un spirito de patientia, cooperation e
amicitate.
==

Pro me, le lista es un instrumento de immersion in interlingua,
i.e. leger molto e scriber molto, fortiar me exprimir toto que io
vole dicer in le lingua mesme. Nam mi experientia ha essite que
tal immersion es le melior methodo de apprender un lingua, sia
natural, sia auxiliar.

Meliorar me, meliorar mi commando del lingua es mi celo (no, celo
es esperanto, in interlingua il es: objectivo, scopo).

--
Ruud Harmsen, http://rudhar.com


--
Pro leger le archivos e pro modificar o cancellar le subscription:
http://listserv.icors.org/archives/interlng.html