Juan, Guiseppi, e Robert esseva cowboys.  Al fin del septimana illes
vadeva al citate ubi il habeva un rodeo (un concurrentia pro cowboys
in le artes e habilitates de cowboys).  Infortunatemente un grande
tauro erumpeva del arena a in le spectatores, e Juan, Guiseppi, e Robert
esseva occidite.  Illes vadeva a Celo.  Sancto Petro les incontrava
al Portas de Celo.

"Ben venite, mi filios, a Celo.  Vos esseva bon homines super le
terra.  Vos ha ganiate le vita eterne in Celo."  Ille duceva les
per le Portas a in Celo.  Illo esseva belle.  Il habeva gazones verde
interminabile al horizonte.  Alora illes notava que il habeva milles
de gentes ambulante lentemente super le gazones - e milles de antes
tanto blanc como le nive.  Le antes esseva ubique.

A iste puncto Sancto Petro stoppava e tornava a illes a dicer:
"Nos ha un regula importante aqui.  Tu non debe poner tu pede
super un ante.  Quando tu lo face, le ante qua qua, e tote le altere
antes comencia lor qua qua tanto ben, e le sono es intolerabile.
Il habera un punition si tu pone su pede super un ante!"

Le tres cowboys esseva multo caute postea, mais eventualmente Juan
poneva su pede super un ante, e tote le antes comenciava le qua qua.
Subitemente duo angelos pareva con un femina le plus fede, e illes
incatenava le femina a Juan.  "Pro poner su pede super un ante tu
va habitar le resto de tu dies in Celo con iste femina."

Postea le altere duo cowboys esseva multo multo caute ubi illes poneva
lor pedes, mais il esseva difficile a evitar le antes, proque illes
esseva ubique.  Finalmente Guiseppi poneva su pede super un ante, que
faceva le qua qua, e tote le antes in Celo equalmente faceva le qua qua.

Duo angelos del Senior tosto pareva con un femina fedissime e la
incatenava a Guiseppi.  "Pro poner su pede super un ante tu va
habitar le resto de tu dies in Celo con iste femina."

Post isto Robert esseva multo multo caute pro evitar le antes.
Mais post un longe tempore succedite duo angelos del Senior
subitemente pareva ante ille con un femina le plus belle que ille
jammais habeva vidite, e le angelos la incatenava a ille.  "Tu debe
existe in Celo sempre con iste femina!" illes diceva a ille.

Quando illes habeva partite, ille tornava al femina e diceva, "Que habeva
io facite pro ganiar iste bon fortuna?"

"Io non sape super tu," illa respondeva, mais io ha ponite mi pede
super un ante."