Le chef (o capite) del ala hollandese del Medicos sin Frontieras (MSF)
ha essite cargate con 'crimines contra le stato Sudanese' super un
reporto de stupro (violation carnal) in Darfur.

Paul Foreman esseva arrestate le lunedi e depois libere a caution juridic.

Le prosecutor de crimines contra le stato diceva que Sr. Foreman non
dava le evidentia sur le qual le reporto esseva basate. Le MSF diceva
que isto es reguardate como confidential.
Le militia pro-governamental in Darfur es accusate de stupro in massa
e de assassinatos, ma le governo nega complicitate.

Le porta-voce official hollandese del MSF Geoff Prescott informava que
Sr. Foreman es sub caution juridic e non es permittite a exir del
pais.

Le inviato del ONU, Jan Pronk, diceva que le documento esseva
non-politic e basate sur le concernos humanitari lo qual le MSF ha
facite excellentemente in adjutar al victimas de stupro. Le Sr.
Foreman diceva que le "privilegio medic" e le confidentialitate de
patiente le preveniva in dar le documentos demandate per le
autoritates. Un altere ration pro respectar le source del information,
explicava Sr. Prescott, es que le feminas "qui ha essite impregnate a
causa de stupro foras de matrimonio pote esser arrestate per le
autoritates" in Sudan.

Sr. Prescott affirmava que le reporto es bassate sur ver information.
Le prosecutor criminal del stato de Sudan diceva que in su opinion le
reporto esseva un falsitate.

Sr. Foreman poterea reciper usque tres annos in prision si es trovate
culpabile de falsificar le reporto.

Le stupro es un thema sensitive pro le governo sudanese. Le governo
sempre ha mantenite que illo es contra le Islam, que le stupro in
Sudan non es tanto commun como le ONU e altere agentias international
clama.Jan Pronk, capite del ONU in Sudan diceva que ille deplora le
arresto.

=====================================================Pro disabonar te del lista, invia un message a
[log in to unmask] con le texto:

  UNSUBSCRIBE INTERLNG

o visita le sito del lista:

  http://maelstrom.stjohns.edu/archives/interlng.html
=====================================================Visita le sito official del Union Mundial pro
Interlingua:

  http://www.interlingua.com/
=====================================================