Bent Andersen, Juvelvej 25, DK-5210 Odense NV, Danmark
E-posta: [log in to unmask]
1999-03-04
Salute!
Pro brevemente presentar me: io es un novicio in le interrete, ma un
veterano (ab 1952) in le rete de interlingua. Depost duo menses io ha - con
interesse variante - legite le messages Interlng, e i.a. habite le placer de
sin saper lo aperir mi systema computatorial pro le BO via Happy 99. Gratias
a Ensjo pro promptemente advertir nos e indicar precisemente que facer pro
disfacer se de illo.
Concernente pagamento de libros Piet scribe: "On debe inviar un inveloppe
que contine le amonta del precio del libro in dollars, marcos, francos,
libras, coronas, pesetas, etc. Le experientia de multe annos ha monstrate
que iste maniera simple de pagar parve summas es excellente. Io vermente non
comprende pro que il ha ancora personas qui hesita applicar lo."
Bon, bon. Ma io time que tamen le question e su solution non es tanto
simple. Depost mi infantia io sempre ha audite: Non mitte moneta in litteras
ordinari; in omne caso non pone un littera con moneta in un cassa postal.
Pro acclarar le aspecto juridic io hodie ha consultate telephonicamente le
posta central de mi urbe. Mi suspicion esseva confirmate: includer moneta in
un littera es prohibite, illegal, a minus que illo es expedite como
"recommendate" (registrate). Io me demanda esque il es similemente in altere
paises?
Deber utilisar invio recommendate jam face le cosa minus simple. On debe
vader a un officio postal con le littera, e on debe pagar un addition satis
costose al porto.
Si prohibition de moneta in litteras esseva un pur stupiditate, on poterea
considerar de negliger lo. Ma illo pare ben fundate: Le criminalitate es un
problema sempre plus grave. Sovente on audi de robamentos postal - pro
moneta. Robatores rumpe cassas postal, prende le moneta trovate e jecta via
le litteras "innocente". On pote argumentar que si il deveni plus usual
includer moneta in litteras, isto es quasi como un invitation a plus de
criminalitate, e in consequentia un contribution a facer le posta minus
confidibile.
Ben, isto pro explicar proque io es inter le personas qui hesita applicar le
maniera suggerite.
Bent
|
