Salute a Kjell e alteros,
  Con respecto a vostre remarcas super Halloween, heri nocte io e mi sposa
esseva preparate con multe candite, sucro, e bonbones pro le infantes, qui
va de porta a porta in lor costumes al nocte de Halloween.  Nos attendeva
un longe tempore e esseva justo preste a extinguer le lumine a nostre porta
al fronte, pensante que necuno venira, quando le campanello sonava.  Io
aperiva le porta e alla stava un parve puero, nonne, un parve diabolo
con un sacco aperte pro reciper alcun sucros e bonbones.  Io le dava un
plen mano de bonbones, e io sperava que hodie ille non devenira mal con
mangiar tante sucro.  Io poteva vider su matre foras al strata attendente
le.  Alora nos attendeva un altere hora. De novo le campanello sonava.
Aqueste vice il ha tres juvene feminas in costumes, e io ancora habeva
multe sucros e bonbones, que io dava a cata un.  Hodie io e mi sposa deveni
mal de mangiar troppo de sucros e bonbones.  Mi sposa dice que nos debe
portar le sucros e bonbones al casa de mi filio.  Su filia e sposa e su
nepta que la visita, pote mangiar lo melior que nos.

Io opina que nos lo mangia troppo ben....

Stan Mulaik