Con respecto al theoria del origine del judeos europee in
le Khazars, possibilemente le evidentia de ADN pote resolver
le question.
Un altere theoria de origines es que le aborigines del sud-west del
Statos Unite, le Zuni, possibilemente es derivate de un colonia
de japonese qui ha venite al continente nord american a California
in circa le 1200s. Le libro que presenta iste argumento es "The
Zuni Enigma", scripte per un anthropologa, Nancy Yaw Davis. Illa
argue que le lingua zunian ha multe parolas similar al japonese.
De facto, in le Guerra Muundial II, alcun zuni esseva captivos del
japonese, e iste zuni dice que illes trovava japonese multo facile
pro illes a apprender. Le lingua zunian pare un superimposition de
alcun parolas japonese super le base de un previe lingua aboriginee.
De plus le lingua zunian non es similar a alcun altere lingua de lor
vicinios o del nord america. Illa trovava 625 parolas pro
comparation con parolas de similar signification e pronunciation in
japonese. Io va monstrar alcunos de istos:
Interlingua Zuniano Japonese
fluvia kawina kawa
summitate, alto kazzowa kashira
transversar yato yoko
attinger techi tochaku
originar chimi-ka hajimi
arena so suna
cammino ona orai
silvestre ta takigi (ligno,
combustibile)
folio ha ha
corvo kalashi karasu
passere suzua suzume
montania yala yama
taxon tonashi tanuki
facer calide kalhi karai
facer frigide izuma samui
irritar se ikati ikari
crescer grande
in altitura tashi takashi
esser hostile,
attaccar samu seme (ru)
eveliar (se) okwi oki
dicer ikwa ika
platto sale sara
dorso si se
objecto spheric mo mo
ancian ino:te inishie
vetere lhashshi mukashi
large < - > kapa hapa
dentro akka dakara
esser in uchi uchi
Le parola japonese pro ancestres es kojin. Le zuni usa e
le parola del hopi (un tribo vicinal) "kachina" e lor proprie
parola "koko", que significa deo e ancestre. "Kokkowe"
significan clan de deo, "kwe" es "clan" o societate". In
japonese kogoshi refere a "como un deo"; un Imperator
recentemente decedite es "Koko" in japonese.
In le societate zunian un fraternitate de alte rango es
le fraterniate clown o "Ne'wekwe". Le parola zunian pro
clown es "newe". Le parola japonese pro clown es "niwaka".
Le religiones zunian e shintoista (japonese) ha in commun
un preoccupation con le umbilico. Iste puncto central
del corpore es referite al fonte de vita in zuniano.
"Zu" es stomacho o "umbilico" in Zuni; "zo" es le parola
japonese pro viscera, e "eso" es le parola pro umbilico.
In Kyoto Japon il ha un cappella con sex lateres e un
petra appellate Eso Ishi (petra del umbilico) que marcava
le centro exacte del citate in a.c. 793. Le Zuni ha un
petra sacre, situate sub un "kiva" (un circular subterranee
camera ubi le zuni reuni pro ritos religiose), que marca
le exacte centro del mundo. Le petra es tanto sacre que
ni pictura ni description scripte es disponibile.
Le parochos del shintoismo de Japon es "shawani", durante
que le parochos zunian es "shiwani". Illes appella al
deitates pro portar le pluvio. Le parola japonese pro pluvio
es "ame". Le parola zunian pro pluvio es "ami"
Il ha multe elementos similar in le religiones del zuni
e le japonese. Il ha un preoccupation con totalitate,
harmonia, integration e cohesion. Le asian "yin-yang"
e le religion zunian face emphase de evitar calamitates
e de mantener le correcte relationes con le elementos
major. Ante yin-yang (de china) e religion zuni
provide un dual organization del universo. In China e
Japon, le yin representa le substantia feminine del
terra. Le yang representa le immaterial spirito del
celo. yin es "kwei" e yang es "shen". In le systema
de credos del zuni il ha le Matre Terra e le Patre
Celo. (isto es possibilemente plus universal).
Un major foco de pensata zunian es verso le concepto
del "medio", le centro del mundo. De facto illes ha
legendas de migrationes in cercar le centro del mundo.
In le lingua reliose del zuni "medie" es "wanakwin";
in japonese "medie" es "mannaka". Le correspondentia
de /w/ a /m/ es equalmente trovate in nomines de deos
associate al "medio". Le shintoista "Maestro Deo del
Centro auguste de Celo" es "Ame-no-mi-naka-nushi-no-
kami", durante que le zunian "Creator e Receptaculo
de Toto, le omnipatre patre" es "Awo-na-wi-lo-na".
In japonese le parola pro "medie" es "naka", prestate
al japonese del chinese", e le prefixo "ma-" es
un prefixo austronesian, que es retenite in japonese
pro facer emphase de certe parolas. Assi "mannaka"
contine le prefixo austronesian e le parola chinese
"naka". In chinese le symbolo pro le medio o
centro es un quadrato con un linea vertical per su
centro. Le mesme symbolo es trovate al sito de
un village abandonate del zuni a El Morro, New Mexico.
Le zuni nomina lor sito a Zuni, New Mexico, "Itiwanna".
Isto es le exacte centro del universo. "Itiwanna"
possibilemente es derivate de un composito de parolas
chinese a japonese: ittei/mannaka o itten/mannaka.
Le radice "ittei" in japonese significa "fixe,
definite, certe". Illo es usualmente usate con
le particula postpositional "no", que lo face un
adjectivo. Un altere parola "itten" refere a un
puncto, un location. Un altere signification japonese
es "le integre celo, le celo, le firmamento".
Assi le japonese "ittei (n)mannaka" (le exacte
puncto central del integre celo e firmaneto) poteva
haber devenite "Itiwanna" in le lingua Zuni.
Le evidentia corporeal del similaritate del
zuni al japonese existe in plure cosas:
Le cuspide de Carabelli es un characteristica
dental que varie in frequentia inter differente
populationes human; illo es un extra cuspide super
le superior prime molar, e a vices super le secunde.
Caucasianos ha iste cuspide con plus grande
frequentia que asianos; aborigines nord american
ha illo in plus grande frequentia que japonese.
Le frequentia de iste cuspide inter le zuni es
circa le mesme como inter le japonese: illo es
multo rar. Isto es in forte contrasto con
le frequentia inter altere tribos de aborigines
nord american.
Il ha altere affinitates dental inter japonese e
zuni, mais io non va detaliar los aqui.
Le frequentia de varie alleles sanguinee in
le zuni es differente que in altere tribos
aboriginal. Le typo B es totalmente absente
inter aborigines nord american. Illo es
presente in un alte percentage (20% - 40%)
de asianos del oriente, e relativemente rar
inter gruppos caucasian (0% - 15%). In un
exemplo de 77,632 gentes in Tokyo 22,1%
habeva typo B. (Inter francese il ha 7,99%).
In un exemplo de 71 zuni le typo B
occurreva 10,7%. Le majoritate de altere
aborigines nord american typo O es quasi
98%. Illo es plus probabile que le typo B
esseva introducite al zuni de un population
japonese que del espaniol, que ha un plus
inferior percentage de typo B.
Le zuni ha un maladia del renes que pare
unic a illes intra le aborigines nord american.
Isto es mesangiopathic glomerulonephritis,
que es un fallimento renal chronic que
duce al morte. Le incidentia de iste
maladia inter le zuni es 14 vices plus
grande que in americanos caucasian, 6.3
vices plus grande que lor vicinios le
navahos, e 3.7 vices plus grande que
intra lor vicinios immediate le hopi.
Iste maladia es multo commun inter
certe populationes oriental, specialmente
le japonese e singaporese. In studios
de histocompatibilitate, le zuni ha un
characteristica multo unic, le
"B*3501 subtypo", identic al japonese.
Le zuni equalmente ha un symbolo de un rosetta
que es practicamente le mesme como le symbolo del
kikumon in japonese usate per le familia del
Imperator de Japon. Iste symbolo es trovate
super le facie de certe pottos o ollas zunian.
Le author ha le hypothese que un nave con circa
50 - 100 gentes viagiava de Japon al costa
de California in circa le 1200s. Illes habeva
fundate un colonia e ha jungite se con
aborigines jam alla. Illes postea habeva
migrate de California in cerca de un terra
sin tremores de terra (isto es un thema in
le historias del zuni e lor migrationes) e
ha movite est al interior del occidente del
statos unite del presente. Lor cultura e
lingua esseva jungite con aquello del
aborigines. Possibilemente le aborigines
esseva un colonia de japon plus vetere.
(Il ha certe evidentia de artifactos
precolumbian chinese a japonese del costas
de California). Assi le vikings non
esseva le sol discoperitores del hemisphero
occidental.
Stan Mulaik
To Post a message, send it to:
[log in to unmask]
To Unsubscribe, send a blank message to:
[log in to unmask]
|
