Ivan scribeva:

>...Esque si vos vide um homine attacante un puero in
public vos jecta super ille un granata?...<

Car Ivan, un attacco contra un puero non es le equivalente de un genocidio
systematic! Certo vos no crede que nos debe permitter que le carnage de
Bosnia-Hercegovina se repete incontrolatemente! Quante infantes debe morir,
quante homines, quante feminas? Io es de accordo con lo que vos dice re le facto
que il habera sempre massacros in le mundo, ma ubi il es possibile, io crede
fortemente que nos ha un responsabilitate de extinguer le genocidio como ille in
Kosovo. Quante tempore es necessari usque le diplomatia provide un solution? An
nos spera un mense, dos menses, sex menses...? Interim mori plus Kosovares. De
plus, io volerea rememorar vos, Ivan, que il non es un question de un "pax
statounitese" -- certo le Statos Unite provide un grande quantitate de appoio
militar, sed io debe indicar a vos que iste action contra Serbia es un action
unite de multe nationes! Io abhorre tamben le guerra, Ivan, sed como io ha
decite antea, alcun vices il es un necessitate desgustose.

Con respecto,
Esteban