Stanley Mulaik wrote:

>Iste septimana, a jovedi, io e mi sposa ha volate de Atlanta a
>Salt Lake City in Utah, pro assister in un reunion de mi classe
>de 1953 in le schola secundari.
>
Multo interessante! Particularmente io es impressionate de tu classe. Si
un classe consiste de 40 personas on dice que illo es troppo grande!
Pensante de svedese io lo appellarea "annata" (omnes de un certe anno
scholar) ma io non pote verificar isto in mi libros!

Il ha simile modernisationes anque ci. Pro exemplo le billettos de
ferrovia io pote comprar per le computator o per certe automatos. On
paga per su carta de banca. Ma le automatos (que nos appella omne
machinas que vende qualcosa) que es in le station de Uppsala functiona
mal, diceva un mi amico. Pro isto le ultime vice que io era in Stockholm
viagiava per le bus interurban. Multo bon e agradabile.

Amicalmente

Kjell R