Car amicos,
io desidera regratiar tote illes que usque nunc examinava
criticamente nostre nove pagina domestic de Interlingua e
que dava nos optime suggestiones. Tote le suggestiones
passate e futur essera prendite in seriose consideration.
Como il es scribite sur le pagina domestic ipse, su actual
formato es provisional. De facto, le equipa del responsabile
s jam prevideva innovationes technologic e amelioramentos
esthetic talmente que iste paginas sia attractive. On
previde cursos interactive, material auditive, un catalogo
per le qual comprar libros in Interlingua in maniera facile
etc. Pro isto, tamen, on necessa tempore e le necessari
acquisition de competentia technic. Io exhorta vos a
continuar a dar nos suggestiones e, super toto, a visitar
regularmente iste paginas. Un plus grande numero ancora de
visitatores facera cliccar le bandiera publicitari e facera
apparer majormente *nostre* bandiera sur altere sitos.
Solmente per visitar nostre paginas vos adjutara a
diffunder majormente Interlingua in tote le mundo
computatorial.
Cordial salutes. Paolo.

Paolo Castellina
CH-7604 Borgonovo (Switzerland)
[log in to unmask]
http://www.poboxes.com/pcastellina
http://www.interlingua.com