From: "Catriona Chaplin" <[log in to unmask]>
> Salute Jay!
> Es dificile pro mi, post studios in espaniol durante quatro annos, de no
> scriber te in espaniol, ma io vole continuar de apprender me
> interlingua!

Salute Catriona!
Gratias pro tu responsa. Io apprecia que tu
face le effortio pro responder in Interlingua.
E si tu ha qualque questiones super le lingua
dice lo, plus importante es le practica, assi
io apprendeva, facente hispaniolismos a
principio ma poco a poco io meliorava e
io sape que tu lo facera tamben si tu continua.
E io nota quanto ben tu usa interlingua jam!
Multo ben!

> Esseva mi collega Ove Hanebring a Sony Ericsson (telephonos mobile) qui
> introduceva me in interlingua ante un mense. Io ha etiam parlate con
> Ingvar Stenström per telephono e legete le web sito de Jan Årmann.
> Conosce tu alcunos de illes?

Si, io cognosce Ingvar e Jan pro medio de iste lista
e alteres pro conversar in Interlingua, io ha multo
respecto pro illes qui ha laborate tanto pro le
inseniamento del lingua belle e international.

> Ove e io promenava os heri con octo collegas en un parco national e nos
> camminava le costa sud est de Svedia. Illo esseva bellissimo - e il non
> ha pluvate! Hodie nos ha 23 grados hic i Lund (sud west Svedia).

Heu! Que belle! Hodie hic il pluve e pluve, e nos non vide
le sol pro tres dies. In le montanias il niva hodie. E le
differentia inter le temperatura del valle ubi io vive e le
montanias es incredibile 40 grados Farenheit! Ascoltava
tu in le novas al television super le cadita del vetere homine
del montanias hic in Nove Hampshire? Illo esseva un
grande catastrophe! Le facie del roca al summitate del
Montanias Blanc in Nove Hampshire es multo cognoscite
como le symbolo del stato, illo esseva un formation natural
que pareva un facie human, illo ha essite assi pro milles de
annos, e minus de un mense retro illo cadeva... Illo esseva
un grande choc pro tote nos.

> Como ha tu celebrate le 250 annos de Keene?
> Bon vespere,
> Catriona

A causa del pluvia torrential le focos de artificio
esseva posponite usque un altere die indeterminate.
Le populo, pluvia o non incendeva lor proprie
focos de artificio, cosa que le Americanos ama
facer, e mis vicinos gusta facer a medie-nocte.
Ay ay ay! Ma in iste die gris e de pluvia tu message
portava me un poco de sol e de allegria e io te
da gratias pro illo. Io spera que tu, e Ove, e le
altere camminantes gaudia del bon tempore e le
belle vistas, dice nos hic al lista que tu appreciava
del belle creation, nos sempre gusta hic de excambiar
information super viages que nos face.

Con salutes amical sempre,
Jay B.