Luca Ghitti <[log in to unmask]> se dole con iste considerationes:

>In Italia post 5 dies desde le introduction del euro, il sembla que le
>italianos non lo usa multo in le
>transactiones commercial. Nos es europeistas solmente con le parolas, sed
>non in maniera
>practic.
>Solmente 15-20% del personas lo usa, con un remarcabile differentia inter
>le altere nationes de
>eurolandia, per ex. Nederland 75%, Germania, Luxembourg plus que 50%, etc.

Probabilemente le italianos, qui es notorimente un populo que sparnia,
dispone de un discrete stock de lire e pensa de utilisar lo normalmente,
como le introduction del euro permitte de facer durante iste mense e le
proxime. Perque precipitar se a cambiar?

Le imagine classic del solite italiano qui pensa que al estraniero le mundo
sia melior, quando al contrario le America es hic! Iste Luca debe viver in
un localitate italian un poco a su modo! Probabilemente isto es illo que
pensa Luca, e non le veritate. Iste matino io me dedicava a facer le compras
in ben sex diverse realitates commercial sia a Treviso que in le environs.
Il es ver, al cassa uno incontra un leger retardo, totevia un meraviliose
collaboration. Le prime demanda per le cassero es: "Paga vos in lire o in
euro?" Si uno responde in euro le cliente obtene le indication del summa a
pagar in euro sequite de un cortese "pari a lire . . .". Le importo in le
duo monetas, le secunde in vetule lire, pro commoditate de cliente!
Io ha assistite al collaboration pro recercar le parve moneta del centesimi,
e un grande gentilessa in le contar le moneta del resto.
Totos poneva multe attention, sin haste.
E io ha observate que le personas es patiente e mesmo felice del
collaboration per le cassero. Le discursos que uno pote sentir es del typo:
"Io ha ancora lire de finir!", "Io debe facer habitude a iste nove monetas
assi parve!", "Nos ora habera solmente le euro, assi nos debera facer
habitude a iste sol moneta!".
Necuno, vermente necuno, exprimeva aversion al euro, ni difficultates de
sorta.
E io non ha observate personas juvene, active, no! io ha cercate de observar
le personas qui, pro etate, pro prime impression, poteva manifestar un typo
de persona qui poteva haber difficultate.
Luca, es tu certe de contar nos le veritate quando tu judica le italianos?

>Il ha longe caudas in banca, in posta pro le cambio; al longe del
>autostratas pro le pagamento del
>pedage e le calculo del resto, sed isto era multo previsibile, e le
>situation va ameliorar in le proxime
>dies. Le distributores automatic de billetes de banca functiona a 85-90%
>del possibilitate, e io non
>ha habite ulle problema pro haber le euros, sed solmente con elevate valor:
>€ 100, 50, il manca le
>basse valor de € 5, 10, 20 que io pote comocunque trovar in banca.

Il me pare que tu Luca sia in contradiction. In iste e in le proxime mense
non ha nos le curso del duo monetas: lire e euro?
Proque facer assi attention a iste aspectos totalmente marginari e, in omne
caso non dependente del monetas?
Ubi era le caudas in banca? Pro qualque horas al prime die?
E in posta? Perque le bulletines debeva esser compilate in un modo nove?
Perque le pensionarios qui retirava le pension ancora con iste systema del
moneta contante se travava al prime vice con un moneta completemente nove?
Non deberea nos considerar que in le sol 2 de jennaio le pensionarios qui
retirava lor pension al bureau de posta era circa 3 milliones de personas?
Un population digne de un stato europee. Comocunque totalemnte sactisfacte
con puntualitate.
Factos occasional e del toto particular! Merita isto un critica? O lo merita
le italianos? O al contraio non era iste factos aspecto de un efficientia de
un grande Pais?
Forsan le nove moneta non coincideva con nove servicios de automatisation al
cassas postal in tote Italia?
Le progresso ha su precio, nonne?
Pensa tu que al estraniero tu trovarea servicios melior respecto a illos in
Italia? Ha tu provate?

>Hodie io jentava al bar e io era le sol persona, inter un decena, qui
>pagava con le nove moneta. In
>mi village, io crede que solmente 5% (forsan) usa actualmente le euro.
>Forsan isto es causate per
>alicun problemas plus psychologic que economic o practic. Il ha un grande
>pavor de errar in usante
>un grande massa de nove e incognite monetas; de esser fraudate per le
>commerciantes con le
>resto. Il ha etiam un grande pigressa mental pro le calculo e le
>conversion: le gente non vole
>accostumar se al nove moneta proque isto les face sentir in un nation
>estranie, in le qual le valor
>del mercantia ha un altere e un nove relation con le vita quotidian. Le
>psychologos ha definite isto
>como le "*syndrome del viduo".

Qual poc consideration tu ha de tu co-citatanos, Luca! Non es iste personas
le mesme que te permitteva de viver hodie in uno inter le prime Pais del
mundo? Deveniva illes improvisemente imbecille? Pro un moneta?

>Multo probabilemente le italianos non ha ben comprendite que il non ha
>altere possibilitates, que le
>cosa melior a facer es lo de accostumar se tosto al nove moneta, etsi isto
>costa multe fatiga e
>sudor.

Inter le italianos on trova, sin exception respecto al alteres paises,
personas qui pensa de esser a un nivello superior. Totevia le italianos ha
un longe practica pro como facer a conviver con iste personas: illes in
general les ignora! Nos ha un practica de plus de duo milles annos.

E como le majoritate del italianos io es simplicemente fer de esser italiano
e felice de viver in iste meraviliose Pais! Le Bel Pais! E io es, como le
majoritate del italianos, felice de esser citatano europee.
Iste euro es un meraviliose realitate.

Ciao,

Mario




_________________________________________________________________
Scarica GRATUITAMENTE MSN Explorer dall'indirizzo
http://explorer.msn.it/intl.asp.