Kjell Rehnström 991203:
Allan, esque tu non pensava _le cuna_ del revolution sovietic?
------------------------------------------------------
Allan Kiviaho 991207: Bravo Allan, du har överträffat
dig själva! (... tu ha te superate). He-he, natural-
mente io pensava cuneo. "Vacca" veniva quando io in
grande haste pensava "vagga" (cuneo in svedese).

Quando nostre filia Pia Maria visitava le Union
Sovietic quando illa habeva 15 annos uno del desti-
nationes era Ivanovo, un urbe al nord de Moskva. Io
habeva nunquam audite de iste urbo e era un pauc
stupide quando io legeva in un encyclopaedia que
Ivanovo era un urbe industrial de un million inha-
bitantes e appellate "le cuneo del bolszevismo".

1891 in Ivanovo-Voznesenski nasceva Dmitri Furmanov,
qui participava al guerra civil de Russia, i.a. como
un commissario in le 25me division del armea rubie,
sub le legendari commandante Vasili Ivanovicz
Czapaev. Iste division era formate in 1919 in
Ivanovo-Voznesenski sub supervision de Frunze, un
famose commandante e theoretico militar e hastemente
jectate a Samara contra le armea blanc del admiral
Kolczak.

Plus latere io comprava le libro "Czapaev" de Dmitri
Furmanov, un edition finnese, imprimite in Moskva
1979 (Kustannusliike "Edistys" - Firma editorial
"Progresso"), 335 paginas. Io ha etiam un edition
bulgar [Dmitri Furmanov. "Czapaev". Narodna Kultura,
Sofiya 1980] que io comprava durante un de mi multe
visitas a Bulgaria 1978--1991 in le brillante
libreria "Savetzki Knigi" in Varna.

Benque Dmitri Furmanov viveva solmente 35 annos
(1891--1926) e solmente 5 annos como un scriptor
ille es considerate como un del grande classicos del
litteratura sovietic. Czapaev viveva solmente 32
annos (1887--1919). Le nocte 1919-SEP-05 un corpo
de cosacos blanc surprendeva le stato major del 25me
division rubie. Czapaev era ferite sed ille succedeva
escapar trans le Rivo de Ural sed ille moriva de su
plagas le 1919-OCT-04.

Dmitri Furmanov studiava in Ivanovo-Voznesenski e
Kineszma, un parve citate trans le Volga. Interessan-
temente nostre filia visitava etiam Kineszma.

Kjell Rehnström 991203:
Ante multissime annos io audiva un intervista con Hertta Kuusinen in le
radio svedese. Illa debe haber vivite un multo interessante vita!
------------------------------------------------------
Allan: Si, Hertta Kuusinen era un ver filia de su
grande patre Otto Wille. Post le guerra ille deveniva
la chef de potente partito communista. Illa era un
femina de intelligentia superbe. Su marito era Yrjö
Leino, le chef del Valpo (Valtiollinen poliisi -
Politia statal, un version finlandese del KGB). Le
communistas planava un coup d'etat in stilo de
Czechoslovakia sed Yrjö Leino era plus un patriota
quam communista e le armea finlandese era vigilante e
le communistas era fortiate annullar su planos
sinistre.

In 1945 mi patre passava le hall de ferias de Helsinki
ubi il habeva un grande assemblea de communistas. Mi
patre iva de curiositate in. Hertta Kuusinen orava.
Un viro veniva e sufflava alicun al aures de sra.
Kuusinen. Hertta Kuusinen annunciava al massa: "Le
presidente (e marechal) Mannerheim ha justo abdicate.
Le auditorio erupteva a applausos furiose. Hertta
Kuusinen: "Il es le prime viste quando le classe de
obreros finlandese applaude a marechal Mannerheim!"
(Mannerheim habeva in 1918 como le supreme commandante
del armea blanc subjugate le armea rubie de obreros in
le guerra civil de Finlandia).

Con salutes blanc e rubie

Hertta Kuusinen habeva un soror, Riikka, qui era un
non-politic poeta, un persona sensitive e human.

Allan