Car amicos,

Plure annos retro, io crede in 1997, un americano multo sympathic, Frank
Pfaff, ha aperite le foros INTERLNG e IL_STRAT pro nos interlinguistas. Le
intention esseva que INTERLNG debe esser pro exercitios in usar interlingua
e IL_STRAT pro discussiones strategic inter nostre gerentes (UMI).

Ab initio INTERLNG esseva usate in le maniera intendite ma gradualmente illo
ha se transferite al stato presente. Alcun vices nostre veteranos ha
advertite iste disveloppamento ma tosto le habitudes de alcun participantes
ha retornate al stato previe. Le advertimentos regerettabilemente ha habite
un effecto curte.

Le irritation de plure de nos, p. ex. Jollino, Jay , Alberto e me, ha
crescite e isto es confirmate de alcun messages in le foro hodie.

Il ha personas qui evidentemente manca autocritica e qui bombarda nos de
messages ubi anque le usage del lingua es multo discutabile. Io e alcun
alteres de mi amicos ha tentate solver le problema per diriger tal messages
directemente al cassa de "junk mail" a lor arrivata. Ma iste methodo non es
satisfaciente proque nos plus tarde lege commenatarios de altere
participantes a iste "junk mail" e non pote comprender de lo que illos
tracta.

Personas qui nunc participa in INTERLNG e qui senti un besonio forte a
publicar se per longe contos pote trovar altere solutiones. Il ha foros e
"weblogs" ubi on pote publicar su obras gratuitemente. Tal personas es
recommandate a considerar iste opportunitate e lassar INTERLNG.

Io es completemente de accordo con illes qui recommenda participation in le
foro coollist pro discussiones linguistic.

Il es mi calide desiro que novicios in interlingua vole participar in
INTERLNG e que le veteranos vole corriger e dar consilios al comenciantes in
un maniera amical. - Si le comenciantes lo desira.

Nos anque ben rememora plure contributiones in INTERLNG que ha nos date
gaudio, bon humor e pensatas sage. Pensa per exemplo al poemas e cantos per
Ensjo. Multo preciose!

Vamos retornar a un INTERLNG genuiin!

Janne

___________________________________
Jan Årmann/Jan Armann
Generalsgatan 12 E, SE-903 36 UMEÅ,Sverige/Svedia
+46(0)90771525, Mobil +46(0)706594934
Sommar/Estate +46(0)52521485
www.armann.se