Tal conto del saison, Jay!

 Le die passate io e mi sposa visitava su patre e matre in Jönköping, un
parve citate in sud-central Svedia, e le arbores monstrava un
inamiginabile spectro de colores. Le aere esseva fresc e clar. Anque nos
non expecta alcun frigiditate o nive jam nunc, nos jam ha flores vivante
in le jardin, le frigiditate veni usualmente in dec-januario como anque
le nive. Io ama iste dies, brilliante de colores, le san aere et cet.
Altere dies on ha multe pluvia o bruma facente dies multo triste, ma
super tosto iste manco de lumine es supertriste. Le dies son plus e plus
curte, le sol pote non ascender anque a 8 horas e descender a quatro
medio-hiberno. Le situation in Scandinavia del norte es plus grave; il
ha dies medio-hibernal sin alcun sol del toto (Svedia coperi un
distantia ab Detroit a Nove Orleans)! Iste es le grande differentia
inter Nove Angleterra del norte e hic. Vos vive in le mesme latitudine
como Italia del norte nonne? Mi sposa arrivava le septimana passate ab
Chicago ubi illa "inspectava" nostre nove granfilia Emma, quatro
septimanas nunc. Le autumno non era arrivate illac e on ancora poteva
seder se in le aere libere super le gazon. Ma io sape como rapidemente
illo se cambia in Chicago--"si vos non gusta le climato hic, per favor
attende un minuta!"

 On nunquam offere un pensata a le pluralitate de horologias usque on
debe retroponer illos un hora iste dies--horologios bracialettos,
horologios in cocina, in le auto, in le varie cameras, le video, le
computator etc etc.

 Jay, in un nota professional, esque tu pote trovar le nomine generic de
"antibiotico Zythromiacin"?
Io spera que tu te recupera totalmente tosto!

Salute multosaisonal,

Sigmund




Jay Bowks wrote:
>
> Kjell scribe...
> >Subito le vesperes ha devenite multo tenebrose a mi latitude ;-)
> >
> Hic etiam in Nove Hampshire, e in special jam que al
> 2 am le horologios saltava retro un hora... le nocte
> cade plus tosto... e il pare tanto plus tarde.
>
> Nos ha evitate le nive in mi citate... il habeva jam varie
> centimetros a un hora per auto de hic. Ma le montanias
> son blanchite e le stratas toto circa del area son fresc con
> le odor de nive al aere.
>
> Le temperatura cambia subitemente de un die al altere.
> Varie dies jam nos habeva un gelo nocturne. Le plantas
> del jardin nunc morte per le congelation pare multo triste.
>
> Disfortunatemente le grippe e le mal de salute es alsi
> con nos... multe personas recipe vaccinationes contra
> le grippe e le pneumonia... ma il era multo tarde pro me
> e io suffreva con le pneumonia bronchial jam per un
> septimana. Le medico me dava un prescription pro un
> nove antibiotico, Zythromiacin, e il pare travaliar multo
> ben usque nunc, ma quando io va a foras le aere frigide
> me face tussir ancora. Il es durante dies como iste
> que io rememora le belle Sevilla e le Ferias, e le
> flores al balcones, e le odor del orangieros in flor.
>
> Hmmm, esque Riccola ha alcun pastillas con sapor de
> orange? :-)))
>
> Melencholicamente;-)
> Jay B.
>
> _---_      [log in to unmask]
> (ojo)
> `\_/'     http://adam.cheshire.net/~jjbowks