Io ha translegite e corregite omne le collection de
contos in anglese, germano, espaniol, e francese ex le
quales io ha producite versiones in interlingua.

Ecce lor titulos in interlingua:

(1) Le parve stella
(2) Le rosa nigre
(3) Le vetule marionettista
(4) Le sonio del princessa
(5) Le sirena discontente

Io ha inviate copias del versiones in interlingua
Thomas Breinstrup, Peter Gopsill, Martijn Dekker, e
Stan Mulaik.

Le reproduction del quaderno complete con omne le
versiones me ha costate $16.00.  Duplicar lo e inviar
lo--specialmente a Europa, me costarea inter $20.00 e
$25.00.

Io es ben disponite a inviar lo a ulle altere
interlinguista--ma solmente si ille o illa ha un
interesse serie in montar omne iste contos al Rete in
presentationes bicolumnar inter interlingua e le
altere quatro linguas.

Un tal presentation de iste textos esserea un
introduction bidirectional excellente inter
interlingua e iste altere quatro linguas.

Si nemo ha un interesse in publicar iste contos in le
Rete, io mesme intende facer lo eventualmente.

Un polonese, Pawel Wimmer, qui a vices contribue a
iste foro, ha montate al Rete partes de "Interlingua
in interlingua" in un formato bicolumnar con un
traduction de unes parve textos in polonese.

Il me pare que ille studia interlingua proque ille
admira su valor como un lingua ponte a altere linguas
europee e como un medio de introducer se a illos.

Iste interesse sue me inspirava facer iste
traductiones.  Il me pare que iste projecto haberea un
certe interesse special pro ille.

Si il ha alicuno qui vos qui vide le valor de iste
project e qui vole participar in illo, que ille/illa
me scribe con su adresse postal a

Harleigh Kyson Jr.
1425 E. First St., Apt. 9
Long Beach, Calif.  90802
U.S.A.

__________________________________________________
Do you Yahoo!?
Yahoo! Mail Plus - Powerful. Affordable. Sign up now.
http://mailplus.yahoo.com