Finlandia
*********

Durante 364 dies del anno,
Kilpisjarvi, in Finlandia,
non es plus que un remote
villa situate in le frigide
confines del region artic
de Laponia, cuje habitantes
principal son le "caribues"
e in le station de estate
per nubes de mosquitos que
son multo sedente pro le
sanquine e que se evelia
de dormir in le tundra.

Mais durante le ultime
dominica de julio se suma
al jubileo del insectos
le parlar "polyglottal"
del rematores que arriva
pro participar in le cursa
de canoas del Arctico, de
septe dies de duration.

Iste evento es annunciate
como le cursa de canoas
plus difficile del mundo.

In terminos de resistentia
e vigor, iste odyssea de
537 km. pote esser forsan
comparate con le "Iditarod"
e le "Tour de France".

Le clima es cruel, alsi
variabile e multo, multo
periculose. Il ha ventos
rapide classificate como
Classe IV e Classe V, le
qual cathegoria occupa
le secunde placia de
difficultate referente a
aquas scumose navegabile.

Jammais ha participate plus
de cento competitores in le
cursa e al data, necun ha
perite. Nonobstante, illes
que termina le aventura
invariabilemente suffre
piccatas e aculeos, lesiones
e excoriationes, grattas e
raspaturas, contusiones e
crampos de musculo, e alsi
ampullas de pelle. Sin
dubita bastante rationes
pro rememorar su aventurose
participation in le cursa
de canoas plus difficile
del mundo.

--per A. Nemethy, "Outside"






---------------------------------------------------------
Get Your *Web-Based* Free Email at http://www.hotmail.com
---------------------------------------------------------