Car amicos,
Perspicer
Le I.E.D. registra: perspicer [-spic-/-spect-] v 1. To look through; 2.
To look at, examine.
Assi, "perspectibile" (melior que “perspicibile”, nonne?) esserea bon
interlingua. Totevia, io non trova le verbo “perspicer” (o similar) ni in
portugese/espaniol, ni in francese, ni in anglese, ni in italiano. Derivates
del verbo latin "perspicio, is, exi, ectum, icere" (vedere a transverso de)
Interlingua ha plure parolas international, como perspicace, perspicue,
perspectiva, etc. Ma, esque isto justifica le inclusion del verbo
"perspicer" in le vocabulario de Interlingua? Io mesme non ha ancora
succedite a formular un bon phrase con tal verbo. Esque io pote "perspicer"
alique? Io pote, sin dubita, "perciper" alique. Alique es perceptibile a me.
Ma, poterea io dicer que alique es "perspectibile" a me? That is the point.
In summa, il me pare que le inclusion del verbo perspicer in le I.E.D. non
es justificabile – illo non es un parola international, ben que su
significato es perfectemente comprensibile – de maniera que derivates como
"perspectibile" o "imperspectibile" non anque se justificarea.
Al consideration del interlinguistas.
Carlos Alberto Santos
-----Mensagem Original-----
From: Bent Andersen
Sent: Saturday, January 12, 2013 3:11 PM
To: [log in to unmask]
Subject: [INTERLNG] Sv: [ApIA] Pronunciation 1
Car Carmelo,
----- Oprindelig meddelelse -----
Fra: Carmelo Serraino
Til: [log in to unmask]
Sendt: 12. januar 2013 17:20
Emne: Re: [ApIA] Pronunciation 1
Io puto que "imperspicibile" es un parola composite multo elegante e
significative!
Como in italiano imperscrutabile = {ag} inscrutabile, con simile
significato.
Ubi io pote trovar le regulas pro usar parolas composite?
Studia le paragraphos 135-166 (Word Building) in le Interlingua Grammar o in
su version in interlingua (Construction de parolas), trovabile in
www.interlingua.com.
http://www.interlingua.com/node/114
In § 157 on p.ex. pote leger:
re-
(in verbos)
1. = retro, a retro; p.ex.
flecter --> reflecter;
nove formation:
lancear --> relancear;
2. = de novo, altere vice; p.ex.
nove --> renovar;
nove formation:
colonisar --> recolonisar;
Nota: In senso (1) synonymo del plus explicite retro-.
Bent
--
Pro leger le archivos e pro modificar o cancellar le subscription:
http://listserv.icors.org/archives/interlng.html
--
Pro leger le archivos e pro modificar o cancellar le subscription:
http://listserv.icors.org/archives/interlng.html
|
