d[981111] x[Allan Kiviaho]  KivA-8NB
s[Nomines finlandese]

RE:
d[981110] x[Jay Bowks <[log in to unmask]>]  BowJ-8NA
s[Nomines finlandese]

Car Jay,

On deberea, forsan, dicer nomines FINNESE, proque Finlandia
ha duo linguas official, finnese e svedese. Finnos + svedos
finlandese = finlandeses.

AHO (Ex mi vetule littera a Janne Årmann)
Un phase de reforestation de campos agricultural,
particularmente tales, que habeva essite facite per
ardente de foreste (*), ma anque alicun campo
agricultural, que es un subjecto pro reforestation,
ubi un flora del plure artes domina. Si aho es
falcate regularmente, su flora disveloppara al flora de
campos proprie, alteremente le flora silvane prende
le hegemonia, usualmente durante 10-15 annos.
------------------------------------------------------
(*) Genom svedjande. Proque 'svedja' es 'arder de
foreste pro facer campo agricultural', Stensved non
pote esser un exacte traduction pro Kiviaho. Alora,
que es 'aho' in svedese? Como un forestero educate
tu certemente multo ben sape iste thema.
Svedja (kasketa in finnese) es secundo un finnese -
anglese dictionario: 'Cut down the trees, clear the
underbush and pile it up for burning'.
------------------------------------------------------
A proposito, Aleksis KIVI e Juhani AHO son duo autores
finnese national eminentissime, ma punite insimul
illes son nihil, infortunamente. Aleksis Kivi es
considerate como le patre del literature finnese.
Ille moriva in 1872 e su libro le plus famose,
'Seitsema"n veljesta"' (Septe fratres) era
imprimite in 1870. Como tu pote vider, le cultura
literal finnese es multo juvene.

SOMERO
Somero es un terra multo crasse (gravel). Isto parola es
rarmente usate in un lingua normal. Sed il ha un
municipalitate eminente con nomine Somero.

OJALA
Oja es fossa, Ojala forsan ca. fossaro.

SEPPALA, actualmente SEPPÄLÄ
SEPPÄ = ferrero (blacksmith), Seppälä ca. ferrerio

SIKKILA (?)
Io non pote recognoscer isto parola. Il es forsan un pauc
deformate in America?

HONKALA
Honka es un vetule e grande pino, "fura" in svedese.
Honkala es forsan ca. pinorio.

SAARI
Si, Saari es insula.

KANGAS
Kangas es drappo, stoffa. Sed isto significa etiam un
foreste de pinos que es bastante aride e ha un terra de
arena. Como un nomine de un persona le nuance de isto
parola es plus le de un foreste quam drappo.

Io spera que isto era adjuvante a te e media mi salutos
ex Finlandia a tu studentes. Nos ha nunc nive e le
temperatura ha essite -11oC. Sed il non es probabile que
le hiberno esserea jam permanente.

Amicalmente

Allan