Jonathan Julius Dobkin scribeva:

> Io viveva le prime 18 annos de mi vita (1962-1980) in
> un appartamento in le dece-secunde etage con un vista
> de Riverside Park e le Fluvio Hudson. In le 1960s e 70s
> il era, in januario e februario, grande pecias de glacie
> flottante in le Hudson, pecias plus grande que le naves
> in le fluvio.
> 
> Ma hodie, quando io visita mi patres (in le mesme
> appartamento) in januario e februario il non ha necun
> glacie in le fluvio, e mi patres dice que solmente un
> anno in le 12 o 15 passate il habeva glacie in le Hudson.

    Le calefacer global forsan pote vider se in alcun factos preoccupante. Nos hic ha le meraviliose glaciero Perito Moreno in nostre Patagonia. In le passato recente le currente de gelo que descendeva del montania formava un dica que contineva le aquas del laco, al pede del monte. Como resultato de isto, periodicamente, cata tres a cinque annos le fortia del aqua contenite in iste prisa natural, provocava le ruptura del muro de gelo. Iste spectaculo vermente impresionante attraheva multo tourismo pro presenciar le colapso.     Ora desde face plus de septe annos -le ultime ruptura- le currente de gelo non attinge le costa del laco e dunque non claude le aquas e non pote dicar le laco. Il pare obvie que le calefacer del clima impide que le nive del hiverno compensa le disgelo del estate.

Horacio Martinez