Car Jay D. / Julio,
Io essayava poner me in contacto con Ely pro medio
del numeros que tu mentiona e dicer le que tu essayava
poner te in contacto con illa. Ma regrettabilemente
le lineas es in plen congestion. Io anque essayava
poner me in contacto con mi familia. Io poteva
telephonar a casa de mi patres. Mi matre diceva me
que mi patre qui travalia pro le ATF in Communicationes
es in le officinas del ATF, illa non sape quando ille
venira a casa. Mi soror qui travalia in Washington DC
veniva a casa non plus de un hora ante que io parlava
con mi matre. Mi fratre Jaime qui travaliava al Pentagon
non debeva esser illac e ille non potiva creder su oculos.
Un altere die e ille esserea illac. Ay qual disgratia
pro omne familias involvite in iste tristisime catastrophe!
Io preca pro le familias del povre victimas de iste
horrific e horribile evenimento.
Le hospitales in le area de Nove York son taxate al
maximo con iste situation. Le novas hic es que il
habeva duo aeroplanos que choccava contra le
World Trade Center Towers, le aeroplanos veniva desde
Boston e esseva plen de personas inocente. Illos post le
attacco cadeva. Le novas es que le Pentagono esseva attaccate
per un altere aeroplano que veniva desde Dulles, circa
Washington D.C. Un altere aeroplano, le qual es credite
esseva intendite pro le Capitolio o forsan Camp David
explodeva in Pennsylvania.
Il habeva un bomba-auto in le Departimento de Stato
le qual anque causava damnos.
Giuliani justo nunc dice que 2100 personas son in
le hospital con injurias a causa del attaccos terrorista,
un numero grande anque se pensa morte.
George W. Bush parlava duo vices al cameras hodie
desde Florida, desde Louisiana e nunc ille es in Omaha.
Cata vice ille mentiona que ille esseva in contacto con su
vice-Presidente qui es in Washington e con le Secretarios
del cabinete presidential.
Le congresso American ha fugite le area del Capitolio pro
su securitate e va reconvenir in un sito non mentionate
tosto. Le Pentagono e le Presidente se expecta va parlar
super le situation con le representantes del governo e
dar qualque information es disponibile a iste tempore.
Le governatores del statos unite declara un situation
de emergentia in quasi tote le statos.
Omne museos, sitos governamental non-essential ha claudite,
assi mesmo como officinas/bureaus statal in alcun statos,
e altere edificios que poterea esser attaccate etiam.
Le Presidente ha nunc ordinate un stato de alte-alerta pro
le fortias militar del statos unite. Omne aeroplanos in
le statos ha essite atterrisate e non vola nulle sur le
celos minus que aeroplanos militar.
266 passageros esseva in le quatro aeroplanos que esseva
prendite per terroristas.
Officiales del governo american suspecta que Ossama Bin Laden
es responsabile pro le attaccos.
Un studante/ alumno del schola ubi io insenia es nunc
al Pentagono. Ille faceva contacto con su patres qui io
cognosce. Io preca que Deo da nos fortia pro superviver
iste terribile catastrophe.
Con grande choc e tristessa,
Jay B.
Julio Dobkin ad [log in to unmask] ha scripte in 2001/09/11 11:31 AM:
> (English version is below)
>
> Io vive in Manhattan, ma era viagiante a mi travalio in Westchester
> (un suburbe al norte) quando le World Trade Center era attaccate. Il
> era annuciate in le train que il non sera traines viagiante al citate;
> no se sape quando le servicio de traines sera restaurate. Io non pote
> telephoner al citate, le connectiones al citate no functiona. SI TU ES
> IN NOVA YORK e pote telephoner mi inamorata Ely Rosa, per favore face
> lo: su numero al travalio es 212-925-8259. Io ha un poc pavor perque
> illa travalia in le sud de Manhattan, quasi proxime al vecinitate del
> attacco terrorista. Si tu non pote contacter la al travalio, forsan
> illa ha volvite a nostre casa (212-865-3543). Io sera gratiose si
> alcuno pote discoperer que illa es okay, e invia me un message per
> e-mail, a iste direction e alsi a [log in to unmask] Si tu
> non parla anglese, illa parla espaniol e italiano e pote comprehender
> interlingua. Ante alcun minutos, io era al late del fluvio Hudson e
> poteva vider le fumo grande (de un distantia de forsan 40 kilometros!)
> QUE HORRIBILE TERRORISMO!
> -Jay (Julio)
>
> If anyone is in NYC, please contact Ely Rosa at 212-925-8259 (work #),
> as she works downtown, I'm worried, & I can't call NYC (I work in
> Westchester & phones are down to the city). If she's not there, try at
> home (212-865-3543). If you can confirm she's okay, please e-mail me
> back, & tell her I'm okay but may be not be able to get back home
> tonight as the trains aren't running back to the city until further
> notice.
> -Jay
>
>
>
> Interlingua es un lingua
> artificial (create in 1951)
> que es immediatemente e
> facilemente comprehensibile
> per personas con fluentia in
> linguas derivate de latin. Si
> tu desira plus information,
> scribe me o visita le
> sequente sito:
> Interlingua, lingua international facile. Vide http://www.interlingua.com
> ____________________________________________________________
> Get your own FREE Web and POP E-mail Service in 14 languages at
> http://www.zzn.com.
>
|
