IN MEMORIA:

de Larry Trask

Linguista principal qui faceva le thema
accessibile a multe lectores e deveniva
un experto in le lingua basc, mori.

Larry Trask, qui mori de un maladia
neuro-motor al etate de 59 annos,
esseva un del linguistas experte in
le lingua basc. Un professor de linguistica
al Universitate de Sussex University,
ille scribeva le superior obra "The History
Of Basque" (1997), un grande vindication
del methodos de classic linguistica historic,
super le qual ille anque scribeva un altere
libro "Historical Linguistics" (1996). E
Larry non esseva solmente un academico.
Su libros esseva intertenente, plen de
sagessa, e occasionalmente partisan,
ma bellemente legibile e clar.

Un interesse in basco sovente duce
a un obsession con le thema; le mundo
es plen de amateurs - e alteres - qui
es determinate a probar que le lingua
basc non es historicamente isolate
ma relationate a un altere lingua,
o mesmo a tote linguas.

Larry patientemente applattava tote
iste attemptos con su comprension
voluminose del literatura.
Su instruction in scientias anque
le preparava pro confrontar le
insecur notion que il ha parallelos
inter arbores natural e arbores linguistic.
Su involvemento in le scientia del
origine e le evolution del linguage
le apportava prominentia, pro exemplo
como co-editor con le archeologo
Colin Renfrew e linguista April McMahon
del obra de duo volumines titulate
"Time Depth In Historical Linguistics"
(2000), ma Larry nunquam cercava le
prime plano; ille arrivava illac e restava
illac proque alteres recognosceva su
autoritate e su talentos como bon
communicator.

Ille nasceva in Cattaraugus County,
al Stato de New York, e in le decennio
del 1960s prendeva diplomas in
chimica al Collegio Rensselaer, in
le Stato de New York e le Universitate
de Brandeis, in Massachusetts, ante
lassar su PhD e devenir professor
de chimica con le "United States Peace
Corps".

Ille inseniava al "Middle East Technical
University" in Ankara, Turchia, ma
lassante detra iste empleo a causa del
sono de armas de foco in 1970, ille
se trovava in London, Anglaterra.
Hic ille se encontrava e se maritava
con su prime sposa, Esther Barrutia,
un chimica basc. Habente demonstrate
se esser un talentose e practic linguista
in le subjecto ille discoperiva le studio
del linguistica e se graduava in isto
ab lo que esseva tunc le "Central London
Polytechnic" - durante que ille inseniava
scientias in un schola. Depois ille
laborava pro su PhD, con specialisation
in basco, sub Professor CE Bazell
de "London University's School of Oriental
and African Studies".

Ille anque inseniava in le Universitate
de Liverpool ab 1979 usque su departimento
esseva disolvite in 1988 e su membros esseva
enthusiasticamente recrutate per Sussex. Ille
esseva premiate un cathedra personal per
Sussex. Ille esseva un inseniante dedicate e
e versatil, assi anque como un bon recercator
e multo generose con su tempore con
studentes e qualque alteres qui poterea
beneficiar se de su vaste sapientia, como
testimonio on pote considerar su participation
in le servicion in-linea "Ask-a-Linguist"
pro le publico in general.

Ille scribeva multe libros pro studentes
e pro le publico. Istos include :
"Language: The Basics" (1995),
"Key Concepts In Language And Linguistics" (1999),
"Introducing Linguistics" (2000) bellemente
illustrate. Il ha anque le comprehensive
e rigorose "Dictionary Of Comparative
And Historical Linguistics" (2000),
"Dictionary Of Phonetics And Phonology" (1996)
e "Dictionary Of Grammatical Terms" (1993).
In 1997 veniva le "Penguin Guide To
Punctuation"; un guida al "netiquetta"
ancora non publicate in papiro, e anque
le famose "Mind The Gaffe" (2001)
super errores commun in scriber le
anglese standard.

Le unic cosas que ille non poteva
tolerar esseva le "musica pop" o
assi ille diceva - e le speculation
incompetente o non-empiric.
Ille contava inter iste incompetentia
le attemptos per alcunos a trovar
familiares vivente o non del basco
e le effortios pro probar que tote
linguas esseva relationate familiar-
mente, ma anque alcun aspectos
principal del argumentos linguistic
de Noam Chomsky le qual ancora
representa le position dominante
in le theoria linguistic, specialmente
pro medio del idea que il ha un sorte
de grammatica universal specificate
que ha essite programmate innatemente
in le cerebros de tote humanos.

Larry dava un description sublineate
de su positiones in un intervista in
"Guardian" (June 26 2003), con
Andrew Brown, in le qual le reportero
explicava pro que Larry merita junger
se a ille parve grege de aves rar del
"Linguistas Famose".

Larry esseva un persona gregarie, multo
amical, e passionatemente interessate in
le vino, le baseball e le jocos de
tabuliero; ille esseva dedicate al
concursos e le Defias Universitari,
e assi passionatemente disinteressate
in festivitates o dies festive.
Qualque cosa in que Larry esseva
interessate apportava le non solo un
ingagiamento casual ma un devotion
plen.

Durante le duo annos de infirmitate ille
esseva sustenite per le devotion de su
sposa Jan Lock, al qual ille esseva
assi mesmo plenmente devote.
Con cruel ironia, ille infirmitate que
primemente le robaba su habilitate
a parlar; plus tarde le debilitava su
salute e su corpore ma lassava su
potentia mental intacte. Nos, su
collegas e amicos, resta profundemente
grate que ille poteva esser con nos
intellectualmente usque le fin.

Characteristicamente, su ultime activitate
academic esseva essayar completar un
altere articulo pro un volumine in
memoria de un altere academico.
Ille ancora nos interteneva con su
commentario de cosas que ille legeva,
inviante nos messages per email ab su
lecto, duo dies ante que ille moriva.

Su proprie volumine pro un obra memorial
es plen de contributiones ab academicos
e linguistas principal includente alcunos
con qui ille profundemente non accordava.
Su altere memoriales son intra illes qui
le amava, su sposa le supervive, anque su
soror e duo fratres.

- Robert Lawrence (Larry) Trask, linguista,
nascite le 10 de novembre de 1944 ; moriva
le 27 de Martio 2004.

***********************************
Fwd from the Mother Tongue List
Michael Witzel