> Kjell Rehnstrom scriveba:
>
>
> Nota un -philo que originalmente significa -amico e in le vocabulario
> international evidentemente pote significar amico de un cosa, persona con
> qui on voluntariemente face sex.
>
> In svedese pro exemplo un _anglophilo_ es un amico al cultura anglese.
> Nulle sexualitate!
>
> Un francophilo es un amico de cultura francese. Nulle sexualitate!
>
> On crederea nunc que un pedophilo era un amico de infantes, como Sancte
> Nicolao o Patre Natal. Ma non del toto. In mi parte del mundo un pedophilo
> es un persona criminal qui sexualmente utilisa infantes e es punite si
> discoperite.
>
> Un homophilo non es solmente un amico al humanos. Un tal se appella un
> philantropo. Un homophilo vole facer sexo con su pares.
>
>
> Per consequente io non me vole describer como un _interlinguaphilo_, le
> parola pote esser miscomprendite! ;-)
>
> Philantropicamente
>
> [log in to unmask]
>
Car amico Kjell:

        "Filo" o "Philo" ha un origine grec, e su significate in antique
grec era "persona qui ama...", assi:
filosofia o philosophia significa amor pro le saper (sophos, saper)
filantropia (philanthropia) signigica amor pro le homine (non le esser
masculino, ma tote le homines, le humanitate)(anthros, homine)
alora pedophilia significa amor pro le infantes (pedi, infante), ma nos debe
pensar que le amor anque pote esser sexual.

        Interlinguafilo.... pro me il non ha un miscomprension hic. Ben que
le parola non se audi ben io comprehende que un interlinguafilo es un
persona que ama interlingua (obviemente, il non pote exister un amor sexual
hic!!) Io pensa que il debe haber un altere parola pro dicer que on ama
interlingua...

        Hodie 'filos' o 'philos' significa 'amico' in grec. Io non sape como
le significate ha passate de amor a amico con il passar del tempore.

        O  filos  sou,
        (Tu amico),
                        A r t u r o