Frank Pfaff ha scripte:
>
> Ante alicun minutas io ha recipite le notification ex nostre servitor-lista
> "Maelstrom" que un de nostre membros ha quitate le gruppo.  (In mi rolo de
> magister-lista io recipe tal notificationes quando personas junge se o
> quita.)
>
> Naturalmente, io non sape con certitude le causa del partita in iste caso,
> sed io suspecta.  Anto duo dies le membro ha facite su prime contribution
> al lista per inviar nos un poema que ille habeva traducite.   Le poema (e
> le traduction) me placeva MULTO.  Mais, como si sovente in mi proprie
> scripturas interlinguan, le traduction conteneva alicun errores.  Un altere
> membro ha inviate un message con correctiones e suggestiones.  Io suspecta
> que le membro partite videva le correctiones como critica, sentiva se mal e
> ille decideva partir.

Forsan istes serea David Coomler e io?

> Guai!    Le poema era vermente preciose. Anque le suggestiones era
> completemente correcte e date con politessa.    Cata un de nos face
> errores--es inevitabile.   E normalmente nos vole meliorar nos per esser
> informate super nostre imperfectiones.  Mais, al altere latere, le esser
> human es sensibile e legeremente ferite per critica.  Que facer in tal
> casos?
>
> Permitte me a proponer un solution possibile.  Que nos in le futuro non
> face publicamente ulle critica hic in le lista.  Que omne critica,
> correctiones, suggestiones sia facite PRIVATEMENTE per posta-E adressate
> solmente al scriptor e NON AL LISTA.  Si le recipiente del critica vole,
> ille ipse poterea presentar le critica recipite per su obra al lista pro
> discussion general.
>
> Que vos pensa?

Hm... Realmente, io ha vadeva multo "directemente" al correctiones, sin
un "benvenite" e con pauc incentivos a David. Forsan un movimento
"inertial", viste que nos hic es jam accostumate a corriger le litteras
un del altere.

Forsan initiar con messages private al "justo-arrivatos" sia un bon
solution, ma tamben forsan un reception plus amicabile, ubi nos dice:
"non te offende, io vole adjutar te con tu maestria de Interlingua, e
assi nos face sempre le unes con le alteres in iste lista. Senti te
libere pro tamben corriger e assi tote nos, a errar e a corriger,
progredera."

Frank, confirma me si le qui exiva era mesmo David, e io me excusara
directemente a ille e le reinvitara a facer parte de nostre lista.
--
   ENSJO : EMERSON JOSE' SILVEIRA DA COSTA
  E-mail : mailto:[log in to unmask]
Homepage : http://www.nautilus.com.br/~ensjo/
Addresse : Conj. Panorama XXI, Q. 26, C. 14
           Nova Marambaia
           66625-280 Belem - Para - Brasil
Telephono: (091) 231-5740 // +55 91 231 5740