}
}> ... in favor de italiano (la lingua preferite de Gode)
}
}Mi impression es que le latino era le lingua preferite de Gode.
}
}Tu ha alcun evidentia al contrario?
}
}Edo

Io non es realmente certe que Dr. Gode habeva un profunde
preferentia pro le latino.  Possibilemente su usage de particulas
latin esseva pro rationes politic in tanto que ille voleva
attraher le adherentes de latino sine flexione, le Ecclesia
Catholic, e le amantes del lingua latino.  Ille certemente
credeva que le latino esseva le base pro le internationalitate
de milles de parolas.  Mais in general le forma latin de parolas
es fortiate per le inclusion del anglese in le basic linguas
de controlo.  Le anglese es plus conservative de formas latin
que in le linguas romance que ha modificate phonemicamente le
original parolas latin per evolution de lor linguas.  Solmente
in "docte" parolas es formas latin trovate ancora in le linguas
moderne romance.  Le usage del prototypo con anglese fortia le
solutiones al latino in milles de casos.  Mais in le particulas
sin tres solutiones in le original 4 linguas de control -
anglese, francese, italiano, espaniol/portugese - io crede
que ille recognosceva que qualcunque solutiones supplementari
usate esseva heuristic e alquanto arbitrari.  Isto es monstrate
in su tolerantia de usage de altere formas per alteros.  A
arguer que on debe usar particulas latin pro solver iste
casos del particulas ubi il non ha tres solutiones proque il
ha dictionarios latin in tote le partes del mundo non es un
rationamento linguistic mais pragmatic e possibilemente
politic.  Il es importante a recognoscer que le particulas
usate pro iste fallite casos secundo le regula de tres esseva
particulas le minus international del particulas latin, proque
illes non supervive como prototypos de vivente particulas in
le linguas moderne.  Si illes esseva prototypos de particulas
moderne in tres variantes, alora illes esserea acceptate sin
question.

Stan