In le exemplo de "in/sur/apud un strata" io voleva
indicar que solmente le uso de prepositiones inter
linguas pote esser multo differente.  Le franceses,
pro exemple, dice "aux Etats Unis" e non *"dans les
Etats Units" o *"en Etats Unis".

(Le "*" indica que un forma non es grammatic proque le
usatores de un certe lingua nunquam usarea un
expression citate con un "*".)

Trans le seculos de su evolution, pro rationes que
vermente non pote explicar se multo ben, le francese
non ha seligite le preposition "in" pro uso in iste
contexto.

Ben que il ha exemplos de prepositiones cuje uso intra
le linguas romanic es assatis simile, il ha alteres
que se usa sovente de manieras multo differente intra
iste linguas.

Como interlingua non ha un corpore de usatores native
que on pote consultar qual es le preposition
"correcte" in contextos semantic differente, le
selection de un certe preposition in multes ex illos
es arbitrari.

Io prefere dicer "multes ex illos" in vice de "multes
de illos" proque "ex" indica le separation assatis
fortemente in latino.

Ben que io prefere "ex" in iste contexto, io non
insista que omne altere interliguistas debe usar "ex"
como io.  Si illes prefere, illes pote usar "de" con
mi benediction.

Forsan con le tempore le evolution de interlingua
producera un forma generalisate plus uniforme.
Intertanto, io crede que on pote comprender multo
facilemente que "un ex iste libros" e "un de iste
libros" es expressiones equivalente.

__________________________________
Do you Yahoo!?
Yahoo! SiteBuilder - Free web site building tool. Try it!
http://webhosting.yahoo.com/ps/sb/