Car Amicas e Amicos,

io me sentiva justo ora al telephono con un mi vetule companion de schola
qui habita hic in mi citate de Treviso.
Nos parlava del plus e del minus, como face duo amicos qui non se senti de
un poc de tempore.
Ille ha su soror qui vive in le sud del SUA, ubi illa sposava un judice.
Illa era hic a Treviso le mense passate e io la incontrava.
Ben! Sape vos ubi nos finiva de parlar? Con le electiones in USA!
Hic in Italia nos a como un expectativa pro le resultato de iste
electiones. Isto es un attention generalisate.
Io crede que nos ha non solmente curiositate, ma un ver conscientia que le
selection del Populo American es un selection que reguarda anque nos.
Io jam scribeva que le mundo tende a cambiar nostre conceptiones de statos
e confinos.
E io crede anque que isto sia un grande ben pro totos.

Como sempre, de homine libre qual io pensa de esser, io spera que le
resultato sera le melior.

Nos videra e intertanto nos in Italia expecta con participation.

Ciao,

Mario