Io reage al message de hodie de Allan Kiviaho.

1. Io suppone que on sape que existe le 'Concise English-Interlingua
Dictionary' de Gopsill/Sexton. Le Servicio de Libros UMI ha iste obra in
vendita. Illo non es exactemente le inversion del IED, ma illo es assatis
grande con su 382 paginas. Le autores se occupa nunc de un extension de su
contento. Precio: 27 euros + porto postal.

2. Desde le septimana passate un edition in papiro del  "Wörterbuch
Deutsch-Interlingua' es de novo in vendita. Illo ha inter 45 000 e 50 000
entratas. Precio: 25 euros + porto postal. Interessatos pote commandar le
libro a mi adresse: [log in to unmask]

3. Altere grande dictionarios in vendita (adresse: [log in to unmask]) es:
Interlingua-Nederlandese con 50 000 entratas, in papiro (precio: 37 euros +
porto postal); illo es anque in le Internet (www. softbear.no).
Nederlandese-Interlingua con plus de 140 000 entratas Precio: 45 euros +
porto postal.

4. Importante pro lexicographos e pro altere personas interessate es mi
"Lista Supplementari', que es le registration de circa 25 000 parolas
international que non se trova in le IED. Precio: 13 euros + porto postal.

5. Un 'Dictionario Francese-Interlingua" ( 55 000 entratas) es in
preparation.

6. Il non es un bon idea que un gruppo de 20 personas inverte le IED. Un tal
labor es un labor pro specialistas

--
Pro disabonar te: http://listserv.icors.org/archives/INTERLNG.html