STAN MULAIK scribeva:
> Un articulo io legeva in nostre jornal super le sport dice que
> Croatia es un multo bon equipa. Que es vostre opiniones super isto?
> Pote Croatia vincer Brasil? E le Nederlandia pare bon tanto ben.
> Francia? A vincer solmente con le "shootout" es inconvincente.
Io crede que, del quatro equipas restante, Brasil e Hollanda es le plus
fortes, e que iste joco de semi-final essera plus difficile que le
final, sia le vincitor Brasil o Hollanda. Io confessa que il ha un certe
timor quanto al resultato de iste joco. Hollanda ha un bon equipa, illo
es le equipa que ha presentate le melior football de iste campionato,
secundo le commentaristas. Le joco anterior contra Norvegia esseva
difficile. Norvegia poterea equalmente haber vincite le joco in 3-2
super Brasil. Ma le secunde goal de Rivaldo, le tertie de Brasil, veniva
al momento exacte, e Brasil succedeva mantener le resultato usque le fin
del joco. Le joco contra Hollanda essera ancora plus difficile. Nos non
habera Cafu, qui recipeva su secunde carta jalne in le joco contra
Norvegia, e essera substituite per le reserva Zé Carlos. Ma Hollanda
tamben non habera tote su titulares. Bogarde ha rumpite le gamba durante
un traino, e Overmars (!) es vulnerate. Tote isto augmenta le
incertitudes quanto al joco...
Croatia ha essite un surprisa in iste Cuppa. In su prime participation
in un Cuppa del Mundo, illo ja arrivava inter le quatro meliores, post
defaitar le sempre timite Germania. On debe tamben rememorar que le
jocatores croata non es initiantes -- illes jocava antea pro Yugoslavia,
ante le independentia de Croatia. Plus que toto, Croatia habe iste
fortia additional que es le feritate de un nove nation...
Et France... Le "dominos del casa", como nos dice. Io non ha
accompaniate ben le campania francese in iste campionato. Ma su problema
ora es Croatia. Ora Croatia non es plus un surprisa, e Francia
probabilemente ha studiate su capacitates. Le question es si Francia,
como un unitate, es melior que Croatia. Francia confide multo super
Zidanne, ma que succede si Croatia succedera neutralizar le? Hm... Vamos
vider.
Comocunque, HODIE es le partita Brasil x Hollanda. Hodie de novo le
horario de travalio aqui al Ministerio terminara al 14:00. Gente al
strata, currente a fronte de su TV... Bandieras, ornamentos verde e
jalne ubicunque, focos de artificio, tension in le aere... Supporta,
corde!!!
Sperantiosemente,
--
ENSJO*: EMERSON JOSÉ SILVEIRA DA COSTA
E-mail : [log in to unmask] [<Ř>] Brasil!
Homepage : http://www.nautilus.com.br/~ensjo/
Telephono: (091) 231-5740 // +55 91 231 5740
UIN ICQ : 713833 [* "sj" pronunciate "sh"]
INTERLINGUA - lingua auxiliar international
Info : http://www.interlingua.com
Grammar : http://www.nautilus.com.br/~ensjo/interlingua/english.html
|
